मुंबई: अभिनेत्री यांच्या बंगल्याच्या सुरक्षा रक्षकाला करोनाची लागण झाल्याचं समोर येताच त्यांना होम क्वारंटाइन करण्यात आलं आहे. त्यानंतर रेखा यांचा बंगला मुंबई महानगरपालिकेकडून सील करण्यात आला आहे. करोनाचा रुग्ण सापडल्यानं रेखा यांच्या बंगल्यात राहणाऱ्या सर्वांचीच करोना चाचणी करण्यात येणं अपेक्षीत आहे. परंतु रेखा यांनी नकार दिल्यानं चर्चांना उधाण आलं आहे. रेखा यांच्या बंगल्यातील सुरक्षा रक्षकाला करोना झाल्यानंतर त्यांच्यासहीत त्यांच्या इतर कर्मचाऱ्यांची करोना चाचणी करण्यासाठी पालिकेचे कर्मचारी त्यांच्या घरी जाणार होते. परतुं पालिका कर्मचाऱ्यांना बंगल्याच्या गेटवरून परत फिरावं लागलं अशी माहिती आहे. पालिका कर्मचारी बंगल्याच्या बाहेर पोहोचले होते परंतु दरवाजा उघडण्यात न आल्यानं कोणाचीच करोना चाचणी होऊ शकली नाही. रेखा यांचा बंगला वांद्रे परिसरातील बँडस्टँड परिसरात सी स्प्रिंग बंगला आहे. पालिका कर्मचाऱ्यांनी बंगल्याच्या गेटवरची बेल वाजवली असता रेखा यांच्या मॅनेजर फरजाना यांनी कर्मचाऱ्यांसोबत फोनवर संवाद साधला. फरजाना यांनी कर्मचाऱ्यांना येण्याचं कारण विचारलं. घरातील इतर सदस्यांची देखील करोना चाचणी करावी लागेल असं कर्मचाऱ्यांनी त्यांना सांगितलं. परंतु फरजाना यांनी त्यांचा फोन नंबर कर्मचाऱ्यांना दिला आणि नंतर बोलू असं सांगितलं. यानंतर पालिकेच्या अधिकाऱ्यांनी फरजाना यांना फोन केला असता त्यांनी रेखा यांची तब्येत बरी असून त्या कोणात्याही संपर्कात आलेल्या नाहीत असं सांगितलं. त्यामुळं त्यांना करोनाची चाचणी करुन घ्यायची नाहीए, असं फरजाना म्हणाल्या. इतकंच नव्हे तर रेखा यांच्या बंगल्याचं सॅनिटायझेशन करण्यासाठी पालिकेचे कर्मचारी गेले असता त्यांना बंगल्यात प्रवेश देण्यात आला नाही. त्यामुळं कर्मचाऱ्यांनी केवळ बाहेरचा परिसर सॅनिटाइज केल्याचं म्हटलं जात आहे. दरम्यान, करोना संसर्ग झाल्यामुळे नानावटी रुग्णालयात वैद्यकीय उपचारांसाठी दाखल करण्यात आलेले ज्येष्ठ अभिनेते अमिताभ आणि त्यांचे पुत्र अभिनेते अभिषेक बच्चन यांची प्रकृती स्थिर असल्याचे नानावटी रुग्णालय प्रशासनाकडून सांगण्यात आले. अमिताभ व अभिषेक या दोघांनाही सौम्य स्वरुपाची करोना आजाराची लक्षणे आहेत. त्यामुळे लक्षणाधारित वैद्यकीय उपचार दिले जात असल्याचेही रुग्णालयाने स्पष्ट केले आहे. अमिताभ यांना अलगीकरण वॉर्डमध्ये ठेवण्यात आले आहे. नानावटी रुग्णालयात दाखल झाल्यानंतर अमिताभ यांचा व्हिडीओ सोशल मीडियावर प्रसारित झाला होता.मात्र, त्यांनी असा कोणताही व्हिडीओ ट्वीट केलेला नाही. त्यामुळे अशा प्रकारच्या चुकीच्या माहितीवर विश्वास ठेवू नका, असेही रुग्णालयाने सांगितले आहे. अभिषेकमध्येही सौम्य प्रकारची करोनाची लक्षणे दिसत आहेत.
from Marathi Bollywood News, Marathi Cinema News https://ift.tt/38UGFcv
