बंगळुरू- कन्नड अभिनेता याचं गेल्या महिन्यात निधन झालं. वयाच्या ३९ व्या वर्षी हृदयविकाराच्या झटक्याने त्याचा मृत्यू झाला. त्याच्या जाण्याच्या धक्क्यातून त्याचे कुटुंबिय आणि चाहते अजूनही सावरले नाही. दरम्यान चिरंजीवीच्या मृत्यूच्या महिन्याभरानंतर कुटुंबियांनी प्रार्थना सभा आयोजित केली. या सभेतला एक फोटो चिरंजीवीची पत्नी मेघना राजने सोशल मीडियावर शेअर केला. या फोटोचं एक वैशिष्ट्य म्हणजे या फोटोमध्ये सारेच आनंदी आणि हसतमुख दिसत आहेत. चिरंजीवीच्या घरच्यांचा हा फोटो सोशल मीडियावर व्हायरल होत आहे. मेघनाने हा फोटो शेअर करत कॅप्शनमध्ये लिहिले की, 'माझ्या चिरू.. तू एक उत्साह आहे आणि नेहमीच राहशील. मला माहितीये तुला हे आवडणार नाही पण माझ्या हसण्याचं कारण तुच आहेस. तू मला अनमोल गोष्ट दिलीस, ते म्हणजे माझं कुटुंब. फक्त आपण.. जसं तुला नेहमीच हवं होतं. आमचं साऱ्यांचं तुझ्यावर अतोनात प्रेम आहे.' चिरंजीवी सरजाची पत्नी आणि अभिनेत्री मेघना राज गरोदर आहे. दोन वर्षांपूर्वी २ मे २०१८ रोजी त्यांचं लग्न झालं होतं. ख्रिश्चन पद्धतीने लग्न केल्यानंतर दोघांनी हिंदू पद्धतीनेही लग्न केलं होतं. लग्नापूर्वी १० वर्ष ते एकमेकांना डेट करत होते. मेघना आणि चिरंजीवी यांची पहिली भेट सिनेमाच्या चित्रीकरणादरम्यान झाली होती. चिरंजीवीने त्याच्या छोट्याशा करिअरमध्ये २२ हून जास्त सिनेमात काम केलं होतं. २००९ मध्ये आलेल्या 'वायुपुत्र' या सिनेमातून चिरंजीवी सरजाने कन्नड सिनेसृष्टीत पदार्पण केलं होतं. तो दाक्षिणात्य सुपरस्टार अर्जुन सरजाचा भाचा आणि राजकुमार ध्रुव सरजाचा भाऊ आहे. अंत्यदर्शनासाठी आले होते शेकडो लोक- चिरंजीवीच्या जाण्याने पूर्ण कन्नड सिनेसृष्टीवर शोककळा पसरली. सोशल मीडियावर त्याचे चाहते श्रद्धांजली अर्पण करण्यात आली होती. त्यांच्या अंत्यदर्शनालाही अनेक चाहते आणि सेलिब्रिटीही गेले होते. सोशल डिस्टन्सिंगसाठी तिथे पोलिसांनाही उपस्थित रहावं लागलं होतं.
from Marathi Bollywood News, Marathi Cinema News https://ift.tt/2ZNao2X