मुंबई- सध्याच्या करोना महामारीमध्ये तोंडाला मास्क लावणं किती महत्त्वाचं आहे हे तर सारेच जाणतात. याच गोष्टीचं महत्त्व पटवून देण्यासाठी अक्षयने सोशल मीडियावर एक व्हिडिओ शेअर केला. यात वेगवेगळ्या भाषांमध्ये मास्क न घालणाऱ्यांना ओरडले जात आहे. यात अक्षयनेही एक मास्क लावून लोकांना योग्य पद्धतीने मास्क वापरण्याचा सल्ला दिला. व्हिडिओमध्ये त्याने वापरेला मास्क त्याच्या बायकोचा ट्विंकलचा होता. या व्हिडिओवर मजेशीर कमेन्ट करत ट्विंकलने अक्षयची चोरी सर्वांसमोर आणली. अक्षयने पहिल्या ट्वीटमध्ये लिहिले की, 'तुमचं आयुष्य सर्वसामान्य पद्धतीने जगा पण सुरक्षित पद्धतीचं पालन करा.' याच ट्वीटला शेअर करत ट्विंकलने लिहिले की, 'और हा.. स्वतःचं मास्क वापरा.. पार्टनरचा धुतलेला, सुंदर फ्लॉरल रंगाचा मास्क चोरू नका.' ट्विंकलचं हे ट्वीट अक्षयच्या व्हिडिओपेक्षा लोकांना जास्त पसंत आलं. यासोबतच ट्विंकल खन्नाने अजून एक ट्वीट केलं. यात तिने लिहिले की, 'मी याबद्दल लीलावती हॉस्पिटलचे चेअरमन सर्जिकल ऑनकोलॉजी डॉ. जगन्नाथ यांच्याकडूनही ऐकलं आहे. त्यामुळे तुम्हाला जर डॉक्टरांची मदत करायची असेल तर कृपा करून मास्क वापरा. हे आपलं आणि दुसऱ्यांचं आयुष्य वाचवण्याचा सर्वात सोप्पा उपाय आहे.' सिनेमांपासून दूर पण तरीही चर्चेत असते ट्विंकल अक्षय आणि ट्विंकल अनेकदा सोशल मीडियावर एकमेकांचे पाय खेचत असतात. याआधीही त्यांनी आपल्या मजेशीर अंदाजात लोकांना चांगला मेसेज दिला आहे. ट्विंकलबद्दल बोलायचे झाले तर ती सिनेमांपासून दूर असली तरी लेखन क्षेत्रात तिने आपलं चांगलं नाव कमावलं आहे. ती सोशल मीडियावरही फार सक्रिय आहे. अक्षय कुमारच्या सिनेमांबद्दल बोलायचे झाले तर, त्याचा लक्ष्मी बॉम्ब सिनेमा हॉटस्टारवर प्रदर्शित होणार आहे. आतापर्यंतच्या भूमिकांपेक्षा ही भूमिका सर्वात कठीण होती. दिग्दर्शक राघव लॉरेन्सला अक्षयने याचं संपूर्ण क्रेडिट दिलं. लक्ष्मी बॉम्ब सिनेमात अक्षय तृतीयपंथीची भूमिका साकारणार आहे.
from Marathi Bollywood News, Marathi Cinema News https://ift.tt/39g1JKM
