करोना संकट अद्याप कमी झाले नसले तरी केंद्र सरकारने काही अटी व शर्थीवर ऑटो कंपन्या, मोबाइल कंपन्यांना त्यांचे उत्पादन लाँचिंग आणि विक्री करण्याची परवानगी दिली आहे. त्यामुळे भारतात मोबाइल कंपन्यांनी आपल्या स्मार्टफोनची लाँचिंग सुरू केली आहे. गेल्या महिन्याभरात अनेक मोबाइल कंपन्यांनी आपले स्मार्टफोन्स लाँच केले असून या पुढील महिन्यात सुद्धा अनेक स्मार्टफोन लाँच करण्यात येणार आहेत. चीनची कंपनी शाओमीने भारतात रेडमी नोट ९ स्मार्टफोन नुकताच लाँच केला आहे. फोनमध्ये ४ जीबी रॅम आणि ६४ जीबी स्टोरेज देण्यात आला आहे. या फोनची किंमत ११ हजार ९९९ रुपये आहे. तर ४ जीबी रॅम प्लस १२८ जीबी स्टोरेजच्या फोनची किंमत १३ हजार ९९९ रुपये आणि ६ जीबी रॅम प्लस १२८ जीबी स्टोरेजच्या फोनची किंमत १४ हजार ९९९ रुपये आहे. या प्रमाणेच सॅमसंग पासून रियलमी पर्यंत यासारख्या कंपन्या या महिन्यात कमी किंमतीतील स्मार्टफोन्स लाँच करीत आहे. जाणून घ्या या महिन्यात कोणकोणते स्मार्टफोन लाँच करण्यात येत आहेत...Samsung Galaxy M31s सॅमसंगचा हा स्मार्टफोन ३० जुलै रोजी लाँच करण्यात येणार आहे. या फोनची किंमत २० हजार रुपयांपेक्षा कमी असू शकते. या फोनला अॅमेझॉन इंडिया वरून खरेदी करता येवू शकते. या फोनमध्ये क्वॉड रियर कॅमेऱ्याचा सेटअप दिला जाणार आहे. या फोनमध्ये सेल्फी आणि व्हिडिओ कॉलिंगसाठी यात पंच होल फ्रंट कॅमेरा दिला जाणार आहे. या फोनमध्ये ६.४ इंचाचा सुपर अमोलेड डिस्प्ले दिला जाणार आहे. तसेच या फोनला पॉवर देण्यासाठी यात मोठी बॅटरी 6000mAh दिली जाणार आहे.
रियलमी कंपनीने Realme 6i स्मार्टफोन लाँच करण्याचे ठरवले आहे. या फोनची लाँचिंग २४ जुलै रोजी करण्यात येणार आहे. या फोनची विक्री फ्लिपकार्टवरून केली जाणार आहे. या फोनची किंमत १५ हजार रुपयांपेक्षा कमी असू शकते. या फोनमध्ये ४८ मेगापिक्सलचा क्वॉड रियर कॅमेरा, १६ मेगापिक्सलचा फ्रंट कॅमेरा तसेच मीडियाटेक हीलियो G90T प्रोसेसर दिला जाणार आहे. ज्यांचे बजेट १५ हजार रुपयांपेक्षा कमी आहे. त्यांच्यासाठी हा फोन एक बेस्ट पर्याय होऊ शकतो. या फोनमध्ये कंपनी आणखी कोणते फीचर्स देणार आहे. हे फोन लाँचिंग नंतर स्पष्ट होणार आहे.
आसूस कंपनीचा Asus ROG Phone 3 स्मार्टफोन २२ जुलै रोजी लाँच होणार आहे. म्हणजेच उद्या या फोनला कंपनी लाँच करीत आहे. हा फोन प्रीमियम बजेट गेमिंग स्मार्टफोन असणार आहे. या फोनमध्ये ६.५९ इंचाचा 2,340 x 1,080 डिस्प्ले दिला आहे. ज्यात इन डिस्प्ले फिंगरप्रिंट सेन्सर दिला आहे. फोनमध्ये १६ जीबी रॅम आणि ५१२ जीबी स्टोरेज देण्यात आला आहे. या फोनमध्ये स्नॅपड्रॅगन 865+ प्रोसेसर दिला आहे. या फोनमध्ये 64 MP + 13 MP चा रियर कॅमेरा आणि 24 MP चा सेल्फी कॅमेरा दिला आहे. या फोनची किंमत फोन लाँचिंग नंतर स्पष्ट होणार आहे.
शाओमी कंपनीचा Redmi 9A स्मार्टफोनला नुकतेच ग्लोबल बाजारात लाँच केले आहे. रेडमी ९ ए ची सुरुवातीची किंमत ९९ यूरो म्हणजेच जवळपास ८ हजार ५०० रुपये आहे. या फोनमध्ये ६.५३ इंचाचा फुल एचडी प्लस डिस्प्ले, मीडियाटेक हीलियो G25 प्रोसेसर आणि 5000mAh ची बॅटरी दिली आहे. फोनमध्ये १३ मेगापिक्सलचा रियर कॅमेरा आणि ५ मेगापिक्सलचा फ्रंट कॅमेरा दिला आहे. ज्यांचे बजेट कमी आहे. किंवा ९ हजार रुपयांच्या आत ज्यांचे बजेट आहे. त्यांच्यासाठी हा फोन एक चांगला पर्याय होऊ शकतो. परंतु, सध्या चीनी उत्पादनावर बंदी असल्याने या फोनला फटका बसू शकतो.
from Gadget News in Marathi: Computer, Mobile, Auto News in Marathi | Maharashtra Times https://ift.tt/2OKOQil
