मुंबई: अभिनेता मृत्यूप्रकरणात अमली पदार्थांचा विषय समोर आल्याने त्यासंबंधीचा तपास एनसीबीकडून होत आहे. या प्रकरणी सध्या तुरुंगात असलेली सुशांतची गर्लफ्रेंड आणि अभिनेत्री हिच्या जामीन अर्जावर आज सुनावणी होणार आहे. अमली पदार्थ पुरवठ्याच्या प्रकरणात अटकेत असलेली अभिनेत्री रिया चक्रवर्ती आणि तिचा भाऊ शौविक चक्रवर्ती यांनी जामीन मिळवण्यासाठी मुंबई उच्च न्यायालयात धाव घेतली आहे. त्यांच्या जामीन अर्जांवर काल बुधवारी न्यायमूर्ती सारंग कोतवाल यांच्यासमोर प्राथमिक सुनावणी होण्याची शक्यता होती, परंतु पावासामुळे कोर्टाचं कामकाज आज बंद ठेवण्यात आलं होतं त्यामुळं या प्रकरणी आज सुनावणी होणार आहे. सुशांतसिंहला प्रतिबंधित अमली पदार्थांचा पुरवठा करण्यात सहभाग असल्याचा आरोप असलेल्या रियाला नार्कोटिक्स कंट्रोल ब्युरोने (एनसीबी) ८ सप्टेंबरच्या रात्री अटक केली आणि त्याच रात्री विशेष एनडीपीएस न्यायालयाने तिला २२ सप्टेंबरपर्यंत न्यायालयीन कोठडी सुनावली होती. रियाने जामिनासाठी केलेला अर्ज एनडीपीएस न्यायालयाने ११ सप्टेंबर रोजी फेटाळला होता. त्याच दिवशी शौविकचा जामीन अर्जही न्यायालयाने फेटाळला होता. सोमवारी (२१ मे) रिया व शौविक यांनी अॅड. मानेशिंदे यांच्यामार्फत उच्च न्यायालयात जामिनासाठी अर्ज दाखल केले आहेत. दरम्यान, रियाची न्यायालयीन कोठडीची मुदत संपल्याने एनसीबीच्या अधिकाऱ्यांनी तिला मंगळवारी दुपारी पावणे दोनच्या सुमारास 'व्हिडीओ कॉन्फरन्सिंग'द्वारे एनडीपीएस न्यायालयासमोर हजर केले. त्यानंतर न्यायालयाने तिच्या कोठडीत ६ ऑक्टोबरपर्यंत वाढ केली. शौविकसह अन्य चार आरोपींची न्यायालयीन कोठडीची मुदत आज, बुधवारी संपत असल्याने त्यांच्या कोठडीतही वाढ होण्याची शक्यता आहे. २९ सप्टेंबरला सविस्तर सुनावणीसुशांतसिंहचे मदतनीस दीपेश सावंत व सॅम्युअल मिरांडा आणि अमली पदार्थांचा कथित विक्रेता अब्देल बसित परिहार यांनीही जामिनासाठी उच्च न्यायालयात धाव घेतली आहे. त्यांच्या अर्जांवरील सुनावणी न्या. सारंग कोतवाल यांनी २९ सप्टेंबरला ठेवली आहे. त्यामुळे रिया व शौविकच्या अर्जांवरही त्याच दिवशी सविस्तर सुनावणी होण्याची शक्यता आहे. दरम्यान, अमली पदार्थांच्या विक्रीचा आरोप असलेला कथित विक्रेता झैद विलात्रा याच्या जामीन अर्जावर सोमवारी न्या. रेवती मोहिते-डेरे यांच्यासमोर सुनावणी झाली. त्यावेळी एनसीबीने उत्तर दाखल करण्यासाठी मुदत मागितल्याने न्यायमूर्तींनी त्यावर पुढील सुनावणी १ ऑक्टोबर रोजी ठेवली.
from Marathi Bollywood News, Marathi Cinema News https://ift.tt/32XrFtf
