मुंबई : लेखक-निर्माता-दिग्दर्शक त्याच्या वादग्रस्त वक्तव्यांमुळे नेहमीच चर्चेत असतो. सध्या तो चर्चेत आहे ते अभिनेत्री हिनं त्याच्यावर केलेल्या लैंगिक अत्याचारांच्या आरोपामुळे. पायलने त्याच्यावर आरोप केला आणि त्यानंतर इंडस्ट्रीतल्या इतर अनेक अभिनेत्री अनुरागची बाजू घेत पुढे सरसावल्या. त्यात आघाडीची अभिनेत्री हिचंही नाव घेता येईल. पण, आता तिनं एक वेगळंच वक्तव्य केलंय. 'अनुरागच्या सिनेमांच्या सेटवर महिला पुरुषांइतकंच काम करताना दिसतात. हे खूप कमी ठिकाणी बघायला मिळतं. तो महिलांचा आदरच करतो. तरीही तो या सगळ्या प्रकरणात दोषी आढळला, तर मी त्याच्याबरोबर असलेले सगळे संबंध तोडेन', असं तापसीनं सांगितलं. तापसीनं अनुरागबरोबर य़ाआधी 'मनमर्जिया' या चित्रपटात काम केलं आहे. अनुराग दोषी आढळल्यास त्याच्याशी संबंध तोडेन असं जाहीरपणे म्हणणारी तापसी ही पहिलीच अभिनेत्री आहे. दरम्यान, एक पत्रक जारी करत अनुरागच्या वकिलांनी त्याच्यावर करण्यात आलेले सर्व आरोप खोटे असल्याचं म्हटलं आहे. 'माझ्या अशीलावर लैंगिक शोषण आणि गैरवर्तनाचे करण्यात आलेले आरोप चुकीचे असून यामुळं त्यांना दु:ख झालं आहे. हे सर्व आरोप हे बिनबुडाचे, खोटे आहेत. महिलांवर होणारे अत्याचार समोर यावेत यासाठी सुरू झालेली 'मी टू' चळवळ सध्या स्वत:च्या सोयीप्रमाणं स्वार्थासाठी वापरली जात असून यामुळं समोरच्या व्यक्तीचं चारित्र्यहनन होत आहे. हे अत्यंत दुर्दैवी असून हे खोटे आरोपच या चळवळीला कमकुवत बनवताय', असं अनुरागच्या वकिलांनी म्हटलं आहे. सैयामीची पोस्ट व्हायरल अभिनेत्री हिनं देखील सोशल मीडियावर एक पोस्ट शेअर करत त्याची पाठराखण केली आहे. अनुरागने दिग्दर्शित केलेल्या ' : पैसा बोलता है' या चित्रपटात सैयामीनं मुख्य भूमिका साकारली होती. चित्रपटासंदर्भात बोलण्यासाठी अनुरागनं तिला घरी बोलवलं होतं, हा प्रसंग तिनं शेअर केला आहे. 'अनुरागच्या वर्सोवा इथल्या घरी मी त्याला पहिल्यांदा भेटले.त्यानंच मला तिथं भेटायला बोलवलं होतं. मी काही बोलण्यापूर्वीच तो म्हणाला की, काळजी करू नको, माझे आई-वडिल राहतात माझ्यासोबत. हाच बॉलिवूडधला 'बॅड बॉय' असायला हवा होता. बाहेरचं जग त्याला, ड्रग्जी, महिलांसोबत गैरवर्तन करणारा म्हणून ओळखतं.पण सत्य मला नंतर कळालं. हे पूर्ण चुकीचं होतं', असं सैयामीनं म्हटलं आहे. तसंच मी त्याच्या घरी गेल्यानंतर नेहमीच घरात गडबड असते, तसंच चित्र असायचं. आई-वडिला पेपर वाचत असायचे. सतत वाजणारी घराची बेल, हे सगळं मी तीन वर्ष अनुभवलं आहे. तो माझा मित्र आणि मेन्टॉर झालाय', असंही तिनं तिच्या पोस्टमध्ये म्हटलं आहे.
from Marathi Bollywood News, Marathi Cinema News https://ift.tt/3csVcy2
