मुंबई- सुशांतसिंह राजपूतच्या मृत्यूबद्दल सीबीआयमध्ये सुरू असलेला तपास आता निर्णायक टप्प्यावर आला आहे. दुसरीकडे, नारकोटिक्स ब्युरो अमली पदार्थांची चौकशी करत आहे. या प्रकरणात सारा अली खान, श्रद्धा कपूर आणि रकुल प्रीत सिंग यांची एनसीबीच्या टीमकडून चौकशी करण्यात येणार आहे. सध्या भायखळा तुरुंगात असलेल्या रिया चक्रवर्तीने चौकशीदरम्यान एनसीबीसमोर अनेक महत्त्वपूर्ण खुलासे केले आहेत. सुशांतने सर्वातआधी सारा अली खानसोबत ड्रग्जचा हेवी डोस घेतला असल्याचं रियाने सांगितल. शनिवार, २१ सप्टेंबर रोजी रियाची न्यायालयीन कोठडी संपणार आहे. सुशांतला होती करिअर संपण्याची भीती रियाला नारकोटिक्स कंट्रोल ब्युरोने ८ सप्टेंबर रोजी अटक केली होती. अटक करण्यापूर्वी तिची तीन दिवस कसून चौकशी करण्यात आली होती. यात रियाने सुशांतचं घर सोडण्याचं खरं कारणही सांगितलं. तिच्या कबुली नाम्यात बंद्यात रिया म्हणाली की, सुशांत एक व्यसनाधीन माणूस होता आणि कितीही वाटून ती त्याला त्यातून बाहेर काढू शकत नाही. रिया म्हणाली की सुशांत लवकर घाबरायचा. जेव्हा त्याच्यावर मीटू संदर्भातले खोटे आरोप लावण्यात आले तेव्हाही तो घाबरला होता. आपलं करिअर संपेल अशी भीती त्याला सतत वाटायची. 'केदारनाथ' नंतर सुशांतचं नशा करण्याचं प्रमाण वाढलं होतं आपल्या जबाबात रिया म्हणाली की, 'केदारनाथ सिनेमाच्या शूटिंगदरम्यान सुशांतला अमली पदार्थांचं सेवन करण्याची लत वाढत गेली. या सिनेमाच्याआधीही तो ड्रग्ज घ्यायचा. ते प्रमाण मर्यादित होतं. पण केदारनाथच्या काळात त्यांचं अमली पदार्थांचं सेवन करणं वाढलं. रियाच्या म्हणण्यानुसार, सुशांत जेव्हा मुंबईत आला, तेव्हा त्याचं 'सुपर पार्टी कल्चर' बनू लागलं. लॉकडाउनमध्ये सुशांतचं ड्रग्ज घेण्याचं प्रमाण वाढलं रियाच्या म्हणण्यानुसार सुशांत क्युरेटडेट मारुआना म्हणजेच गांजाचे १० ते २० डोप्स घ्यायचा. संजना संघीने मीटूचा त्याच्यावर आरोप केल्याचं समजताच तो चिंताग्रस्त झाला होता. याच काळात त्यांचं ड्रग्ज घ्यायचं प्रमाण वाढलं. लॉकडाऊनमध्येही अंमली पदार्थांचे सेवन आणखी वाढलं होतं. शूटवरून परत आल्यावर सुशांत-साराचं वजन वाढलं होतं रियाने दावा केला आहे की तिथे ड्रग्ज सहज आणि मुक्तपणे उपलब्ध असल्याने 'केदारनाथ' सिनेमाच्या चित्रीकरणावेळी सुशांत हिमालयात थांबला होता. संपूर्ण सेटवर ड्रग्ज घेतले जायचे. रियाने सांगितल्यानुसार, गांजामुळे खूप भूक लागते आणि वजन वाढतं. 'केदारनाथ'च्या शूटिंगमधून परत आल्यावर सारा अली खान आणि सुशांत दोघांचंही वजन वाढलं होतं. हिमालयात ज्या वातावरणात शूटिंग सुरू होते तिथे सहज वजन वाढवणं शक्य नव्हतं.
from Marathi Bollywood News, Marathi Cinema News https://ift.tt/3hPB4qW
