'' या मालिकेत बाळूमामांच्या आईंची, म्हणजे सुंदराबाईंची व्यक्तिरेखा साकारणारी अभिनेत्री हिचं कौतुक झालं. या निमित्तानं झालेल्या गप्पांत, 'काही मालिकांमध्ये टीआरपीसाठी काहीही दाखवलं जातं. मग प्रेक्षकांना कंटाळा येऊ शकतो', असं मत तिनं मांडलं. संपदा जोशी ० '' या भूमिकेनं तुला नेमकं काय दिलं?कलाकार म्हणून या भूमिकेनं मला खूप नावलौकीक दिला, जो प्रत्येक कलाकारासाठी गरजेचा असतो. कारण पुढेही अनेक भूमिका साकारायच्या असतात. त्यासाठी एक चांगली सुरुवात होणं गरजेचं असतं. भावनिक बाजूनं विचार केला, तर अनेक प्रेक्षकांनी प्रतिक्रिया दिली की,'तू आता महाराष्ट्राची आई झाली आहेस.' मला प्रेक्षकांच्या मनात मायेचं स्थान मिळालं आहे. ० भूमिकेचा अभ्यास कसा केला होतास?मला भाषेचं जरा टेन्शन होतं. भूमिका कोणतीही असो, भाषेवर जर पकड असली तर ते पात्र जास्त खुलतं. काही चित्रपटसुद्धा आहेत. त्या चित्रपटातली भाषा मी ऐकायचे. माझ्या भूमिकेसाठी ग्रामीण भाषेचा लहेजा येणं फार महत्त्वाचं होतं. अंकिता आणि सुंदराबाई ही दोन टोकं होती. त्यामुळे अर्थातच स्वतःवर थोडंसं काम करावं लागलं. पण, माझं विशेष लक्षं भाषेकडेच होतं. ० मालिकेतली भूमिका तर संपली. चाहत्यांच्या काय प्रतिक्रिया?प्रतिक्रिया फारच सुरेख आणि भावूक करणाऱ्या होत्या. 'तुला सुंदरा म्हणून बघायची सवय झाली होती. आम्हाला तुझी खूप आठवण येईल', अशा प्रकारच्या प्रतिक्रिया आल्या. असेही काही प्रेक्षक आहेत ज्यांनी बाळूमामांना पाहिलं आहे. पण, त्यांच्या आई सुंदराबाई यांना कोणीच पाहिलेलं नाही. त्यामुळे प्रेक्षक जेव्हा म्हणतात की ' जेव्हा आम्ही सुंदराबाई कशा असतील याचं चित्र मनात उभं करतो, तेव्हा आम्हाला तुझाच चेहरा दिसतो.' हे ऐकल्यावर समाधान मिळतं. ० पुढची मालिका कधी आणि कोणती?पुढची मालिका लवकरच येतेय. खरं तर सुंदरा या भूमिकेमुळे पुढच्या मालिकेत भूमिका करण्याची संधी मिळते आहे. जसं मला समजलं, की 'बाळूमामाच्या नावानं चांगभलं' या मालिकेतली माझी भूमिका संपणार आहे, तसं मी ऑडिशन्स द्यायला सुरुवात केली होती. 'शुभमंगल ऑनलाइन' या नव्या मालिकेतून मी पुन्हा एकदा प्रेक्षकांच्या भेटीला येते आहे. ० चित्रपट किंवा वेब सीरिजमध्ये दिसणार का?आता सध्या तरी माझ्याकडे कोणतेही प्रोजेक्टस आलेले नाहीत. मध्यंतरी काही प्रोजेक्टस आले होते, पण तेव्हा माझी जबाबदारी मालिका ही होती. भविष्यात या दोन्ही माध्यमांमध्ये काम करण्यास उत्सुक आहे. ० जुनी ओळख पुसून लगेचच नवी ओळख निर्माण करण्याचं दडपण येतं का?मालिका आहे, म्हणजे ती कधीतरी संपणारच. त्यामुळे लगेच दुसरी भूमिका साकारण्याचं दडपण वाटतं. आधीच्या भूमिकेवर प्रेक्षकांनी भरभरून प्रेम केलंय. तसंच या भूमिकेवरही करतील का, या गोष्टीचं जरा दडपण आहे. ० टीआरपीसाठी मालिकांमध्ये जे बदल केले जातात यावर काय वाटतं?काही प्रमाणात हे पटतं. फक्त ओढूनताणून दाखवता कामा नये. काही मालिकांमध्ये टीआरपीसाठी काहीही दाखवलं जातं. मग प्रेक्षकांना कंटाळा येऊ शकतो. अर्थात यात दुसरी बाजू अशी आहे, की प्रेक्षकांनाच मालिकेतला बदल जर आवडत असेल, तर असं करायला काही हरकत नाही. ० मुख्य भूमिका मिळत नाहीत याची खंत वाटते का?अजिबात नाही. भूमिका निवडताना ती भूमिका कशी आहे याचा विचार मी करते. मुख्य भूमिका मिळण्यापेक्षा अशी भूमिका मिळायला हवी जी गाजली पाहिजे, जी प्रेक्षक कधीही विसरणार नाहीत. खऱ्या अर्थानं जगलेमाझ्यासाठी ही भूमिका साकारणं एक आव्हानच होतं. ही व्यक्तिरेखा तेव्हाच्या, काळातली वाटणं गरजेचं होतं. मालिकेतल्या शेवटच्या सीनला फार काही बोलायचं नव्हतं. मनात विचार होताच की आता भूमिका संपतेय, हा आपला शेवटचा सीन आहे. त्यावेळेस मालिकेत मी पांडुरंगाला जेव्हा नमस्कार केला, तेव्हा माझ्या डोळ्यांतून टचकन पाणी आलं. कारण तेव्हाचा तो संवाद खरंच कुठेतरी माझ्याशी, परिस्थितीशी जुळत होता. 'पांडुरंगा, शेवटचं पाया पडते' हे वाक्य होतं आणि मनात विचार आला, की खरंच यापुढे हे नसणार. तेव्हा मला मी खऱ्या अर्थानं मी सुंदराबाईंची भूमिका जगले असं जाणवलं.
from Marathi Bollywood News, Marathi Cinema News https://ift.tt/3mhpwQC
