मुंबई:बॉलिवूडमधील घराणेशाहीवरुन सुरू झालेला वाद काही थांबायचं नाव घेत नाहीय. एकीकडे सोशल मीडियाद्वारे स्टारकिड्सवर जोरदार टीका सुरू आहे. तर दुसरीकडे त्यांच्या चित्रपटांवर बंदी घालण्याची मागणी केली जात आहे. या घराणेशाहीच्या वादात आता अभिनेता यानं देखील उडी घेतली आहे. 'एक तर काम करा किंवा घरात बसून दुसऱ्यांवर टीका करा', असं त्यानं टीकाकारांना सुनावलं आहे.एका मुलाखतीत जॉनला याबाबत विचारलं असता त्यानं बॉलिवूडमधील घराणेशाहीवर प्रतिक्रिया दिली. 'प्रत्येक व्यक्तीला स्ट्रगल हे करावंच लागतं. स्टारकिड्सनादेखील चित्रपट उद्योगात टिकून राहण्यासाठी मेहनत करावीच लागते. अन्यथा प्रेक्षक त्यांना दीर्घकाळ सहन करत नाही. तुमच्याकडे दोनच पर्याय असतात, करिअर करायचं असेल तर घराबाहेर पडा आणि काम करा. किंवा घरात बसून इतरांवर टीका करा. मी पहिला पर्याय स्वीकारला. मॉडेलिंग करुन मी माझ्या करिअरला सुरुवात केली होती. त्यावेळी मी एक आऊटसायडर होतो. आज जवळपास वीस वर्षं मी काम करतोय. अडथळे तर येतातच. पण तक्रारी करुन काहीही सिद्ध होत नाही.' अशी प्रतिक्रिया जॉननं दिली. दरम्यान, अभिनेता जॉन अब्राहमची भूमिका असलेल्या ' ' या सिनेमाच्या दुसऱ्या भागाचं शूटिंग सध्या सुरू आहे. पहिल्या भागाच्या यशानंतर निर्मात्यांनी या सिनेमाचा दुसरा भाग तयार करण्याचा निर्णय घेतला होता. जॉन अब्राहम या चित्रपटात दुहेरी नाही, तर चक्क दिसणार असल्याचं बोललं जातंय. जॉननं यावर सांगितलं, की 'सिनेमाचे अद्याप काही पात्रांवर काम करत आहेत. मी इतरही भूमिकेमध्ये दिसू शकतो. मात्र, ती कोणती असेल यावर शिक्कामोर्तब झालेलं नाही.' तसंच आगामी ‘ ’ या सिनेमात वेगळ्या लूकमध्ये पाहायला मिळणार आहे. गळ्यात सोनसाखळी, बोटात अंगठ्या आणि कपाळावर लाल टिळा असा त्याचा हा लुक सर्वांनाच आवडतोय. सिनेमाची कथा नव्वदच्या दशकातली आहे. मुंबईतल्या गिरण्या, कारखाने बंद होऊन त्या ठिकाणी मॉल कसे उभे राहिले, हे शहर कसं बदलत गेलं हे या सिनेमातून पाहायला मिळेल. जॉन यापूर्वी ‘शूटआऊट अ‌ॅट वडाला’ या सिनेमात गँगस्टरच्या भूमिकेत दिसला होता.
from Marathi Bollywood News, Marathi Cinema News https://ift.tt/2FFpRf2
