मुंबई- सुशांतसिंह राजपूत प्रकरणात ड्रग चॅट उघडकीस आल्यानंतर एनसीबीने मोठ्या प्रमाणात कारवाई केली. प्रदीर्घ चौकशीनंतर रिया चक्रवर्तीसह इतर सहाजणांना अटक करण्यात आली. ड्रग्सच्या खरेदी-विक्रीबद्दल रियाशिवाय एनसीबीने शौविक चक्रवर्ती, सॅम्युअल मिरांडा आणि दिपेश सावंत यांच्यासह अजून दोन ड्रग्ज डीलरना अटक केली. एसीबीच्या चौकशीत रियाने ड्रग्जचा वापर करणाऱ्या इतर २५ बॉलिवूड सेलिब्रिटींची नावं दिली असल्याचंही म्हटलं गेलं. यात रियाने , आणि सायमन खंबाटा या तिघींची नावं घेतल्याचंही बोललं जात होतं. मात्र, एनसीबीचे संचालक केपी मल्होत्रा यांनी हे वृत्त फेटाळून लावलं आहे. अजूनपर्यंत बॉलिवूड सेलिब्रिटींची अशाप्रकारची कोणतीही यादी तयार केली नसल्याचं त्यांनी स्पष्ट केलं. या बातमीनंतर अनेक सेलिब्रिटींनी आपल्या प्रतिक्रिया द्यायला सुरुवात केली आहे. यात दाक्षिणात्य अभिनेत्री समंथा अक्केनेनी हिनेही आपलं मत मांडलं आहे. समंथाने इन्स्टाग्राम अकाउंटवरून काही पोस्ट शेअर करत आपली प्रतिक्रिया दिली. यामध्ये तिने रकुलप्रीत आणि सारा अली खानची दिलगिरी व्यक्त केली. चुकीच्या रिपोर्टमुळे या दोन्ही अभिनेत्रींना टीकेचा सामना करावा लागला याचसाठी समंथाने त्यांना सोशल मीडियावर सॉरी म्हटलं. मीडिया रिपोर्टनंतर लोकांनी सारा अली खान आणि रकुल प्रीत सिंग यांना सोशल मीडियावर ट्रोल करण्यास सुरुवात केली होती. एनसीबी संचालकांनी असंही स्पष्ट केलं की त्यांच्या टीमने फक्त ड्रग्ज पेडलर्सची यादी तयार केली आहे ज्यात कोणत्याही बॉलीवूड सेलिब्रिटींचा समावेश नाही. दरम्यान, सध्या ड्रग चॅट प्रकरणात भायखळा तुरूंगात आहे. तिला २२ सप्टेंबरपर्यंत न्यायालयीन कोठडी सुनावण्यात आली आहे. मुंबई उच्च न्यायालयाने रियाची जामीन याचिका दोन वेळा फेटाळली असून तिचे वकील सर्वोच्च न्यायालयात आता जामिनासाठी अपील करणार आहेत.
from Marathi Bollywood News, Marathi Cinema News https://ift.tt/3isY14t
