मुंबई- सुशांतसिंह राजपूत आत्महत्या प्रकरणात ड्रग्जचा अँगल समोर आल्यानंतर अनेक सेलिब्रिटींची नावं समोर आली आहेत. बॉलिवूड पार्ट्यांमध्ये ड्रग्जचा वापर किती सर्रास केला जातो हे या चौकशीत पुन्हा एकदा समोर आलं आहे. ड्रग्ज पेडलर अनुज केसवानीने चौकशीत अनेक सेलिब्रिटींची नावं उघड केली. चौकशी दरम्यान अनुजने टीव्हीतलं स्टार जोडपं आणि अबीगैल पांडे यांचं नाव घेतलं. यानंतर एनसीबीने दोघांच्या घरी छापा टाकला. या छाप्यात टीमला त्यांच्या घरी अमली पदार्थांचा साठा सापडला. एका हिंदी वृत्तवाहिनीने दिलेल्या वृत्तानुसार, काल दुपारी २.३० च्या सुमारास अबीगैल आणि सनम एनसीबीच्या कार्यालयात पोहोचले होते. आज गुरुवारी दोघांच्या घरी छापा मारण्यात आला. त्यांच्या घरात थोड्या प्रमाणात अमली पदार्थ सापडले. यानंतर आजही त्यांना चौकशीसाठी बोलावण्यात आले. दोघांचंही नाव अनुज आणि राहिल यांनी घेतलं होतं. टीव्हीसृष्टीतील आणखी दोन नावं समोर येऊ शकतात.. बर्‍याच मीडिया रिपोर्टमध्ये असा दावा केला जात आहे की एनसीबीच्या तपासात बॉलिवूडप्रमाणेच टीव्ही स्टारवरही तपास यंत्रणेची करडी नजर आहे. यात येत्या दिवसांमध्ये टीव्हीसृष्टीतील दोन बड्या कलाकारांची नावं समोर येऊ शकतात. कोण आहे अबीगैल पांडे? अबीगैल पांडे टीव्हीची एक हॉट स्टार आहे. सोशल मीडियावरील तिच्या बोल्ड पोस्टमुळे ती नेहमीच चर्चेत असते. सनम जोहर हा अबीगैलचा बॉयफ्रेंड आहे. सनम अनेक टीव्ही शोमध्ये कोरिओग्राफर म्हणून काम करतो. हे दोघेही इन्स्टाग्रामवर एकमेकांसोबतचे अनेक फोटो आणि व्हिडिओ शेअर करत असतात. काही दिवसांपूर्वी अबीगैलने सनमशी लग्न करणार असल्याचं सांगितलं होतं. पहिल्यांदा ही जोडी नच बलिए या डान्स रिअॅलिटी शोमध्ये दिसली होती.
from Marathi Bollywood News, Marathi Cinema News https://ift.tt/2G1Wjsu
