मुंबई- दाक्षिणात्य आणि बॉलिवूड अभिनेत्री तमन्ना भाटियाला करोना व्हायरसची लागण झाली आहे. रिपोर्टनुसार, ती गेल्या काही दिवसांपासून वेब सीरिजच्या चित्रिकरणासाठी हैदराबादमध्ये होती. याकाळातच तमन्नाला करोना विषाणूची लक्षणे दिसली. यानंतर तिला तातडीने इस्पितळात दाखल करण्यात आलं. तमन्नाला झाल्याचं कळताच तिच्या चाहत्यांनी तिला लवकर बरे होण्याच्या शुभेच्छा दिल्या आहेत. ऑगस्टमध्ये आई- वडिलांनाही झाला होता करोना ऑगस्टमध्ये तमन्ना भाटियाच्या आई-वडिलांनाही करोनाची लागण झाली होती. काही दिवस होम क्वारन्टीन राहिल्यानंतर त्यांचा करोनाचा रिपोर्ट निगेटिव्ह आला होता. आई- वडिलांच्या आरोग्याबद्दल माहिती देताना तमन्नाने सोशल मीडियावर स्पष्ट केलं होतं की, 'माझ्या आई- वडिलांमध्ये ची लक्षणं दिसून आली. खबरदारी म्हणून त्यांची टेस्टही केली. तर त्यांची टेस्ट पॉझिटिव्ह आली. आम्ही आवश्यक ती सर्व काळजी घेत आहोत.' तमन्ना भाटियाचे आगामी सिनेमे लवकरच 'बोले चूड़ियां' सिनेमात दिसणार आहे. या सिनेमात तिच्यासोबत नवाजुद्दीन सिद्दीकी आणि कबीर दुहान सिंह मुख्य भूमिकेत आहेत. 'बोले चूड़ियां' सिनेमाचं दिग्दर्शन नवाजुद्दीनचा भाऊ शम्स सिद्दीकीने केलं आहे. याशिवाय तमन्ना भाटिया 'सीटीमार' आणि 'दैट इज महालक्ष्मी' या दोन तेलगू चित्रपटांमध्ये दिसणार आहेत. बॉलिवूडमध्ये अनेक सेलिब्रिटींना झाली करोनाची लागण बॉलिवूड सिनेसृष्टीत आतापर्यंत करोनाची लागण झाल्याची अनेक प्रकरणं समोर आली आहेत. अमिताभ बच्चन आणि त्यांच्या कुटुंबीयांपासून ते मलायका अरोरा, अर्जुन कपूर, आफताब शिवदासानी, जेनेलिया देशमुख, किरण कुमार या सर्व सेलिब्रिटींना करोनाची लागण झाली होती.
from Marathi Bollywood News, Marathi Cinema News https://ift.tt/30znYIs
