मुंबई- धार्मिक कारणांमुळे मनोरंजनसृष्टी सोडणार्‍या सना खानने काल रात्री गुजरातमधील मौलाना मुफ्ती अनसशी लग्न केलं. सुरत इथे दोघांचं लग्न झाल. सना आणि तिचा नवरा मुफ्ती यांच्या लग्नाचे दोन व्हिडिओ आता समोर आले आहेत. त्यांचे लग्न सुरत येथे झाले होते. एका इंग्रजी वेबसाइटच्या वृत्तानुसार, एजाज खानने सना आणि मुफ्ती यांची ओळख करून दिली होती. समोर आलेल्या दोन व्हिडिओंपैकी एका व्हिडिओमध्ये तिचा नवरा मुफ्ती अनससोबत पायऱ्या उतरून खाली येताना दिसत आहे. तर दुसऱ्या व्हिडिओमध्ये ती आपल्या पतीला केक भरवताना दिसत आहे. लग्नावेळी सनाने हिजाबसह पांढर्‍या रंगाचा भरतकाम केलेला ड्रेस घातला होता. तर नवऱ्याने मुफ्ती अनसने पांढऱ्या रंगाचा कुर्ता आणि पायजमा घातला होता. सिनेसृष्टी सोडण्याचा निर्णय घेताना सनाने सोशल मीडियावर लिहिले होते की, 'मी अनेक वर्षांपासून फिल्म इंडस्ट्रीचं आयुष्य जगत आहे आणि या काळात प्रेक्षकांच्या प्रेमामुळे मला प्रसिद्धी, सन्मान आणि संपत्ती सर्व काही मिळाले. ज्याबद्दल मी सर्वांची आभारी आहे.' सनाने पुढे लिहिले की, 'एखाद्या व्यक्तीच्या डोक्यात हा विचार येऊ ने का की त्याला कधीही मरण येऊ शकतं आणि मरणानंतर त्याचं काय होईल? या दोन प्रश्नांची उत्तरं मी अनेक काळापासून शोधत आहे. विशेषतः मृत्यूनंतर माझं काय होईल याबद्दल मी अधिक विचार करते.' 'जेव्हा मी माझ्या धर्मात याचं उत्तर शोधलं तेव्हा मला कळलं की हे जीवन खरंतर मृत्यूनंतरचं जीवन सुधारण्यासाठी आहे. मृत्यूनंतरचं जीवन तेव्हाच सुंदर होईल जेव्हा तुम्ही निर्मात्याने सांगितलेल्या मार्गावर चालाल. पैसा आणि प्रसिद्धीच्या मागे पळू नका.'
from Marathi Bollywood News, Marathi Cinema News https://ift.tt/335xPat
