मुंबई- नार्कोटिक्स कन्ट्रोल ब्यूरोने (एनसीबी) शनिवारी कॉमेडियन भारती सिंगच्या घरी छापा टाकला. या छाप्यात तिच्या घरी गांजा मिळाला. यानंतर एनसीबीने भारती आणि तिचा नवरा हर्ष लिंबाचिया यांना समन्स बजावून चौकशीसाठी कार्यालयात नेले. चौकशी दरम्यान भारतीने अमली पदार्थ घेत असल्याची कबुली दिली. आता या प्रकरणी भारतीला एनसीबीने अटक केली असून हर्षची अजूनही चौकशी करण्यात येत आहे. एनसीबीने कॉमेडियन भारतीच्या अटकेची एका निवेदनातून पुष्टी केली आहे. भारती सिंगचं प्रॉडक्शन ऑफिस आणि घरावर एनसीबीने छापा टाकला होता, असं तपास यंत्रणेने यात सांगितलं. छाप्यात त्यांना ८६.५ ग्रॅम गांजा जप्त केला. चौकशीदरम्यान भारती आणि तिचा नवरा हर्ष या दोघांनीही गांजा सेवन करत असल्याचं मान्य केलं. एनसीबीचे विभागीय संचालक समीर वानखेडे यांच्या नेतृत्वाखालील पथकाने ड्रग्ज पेडररने दिलेल्या माहितीच्या आधारे अंधेरी येथील लोखंडवाला कॉम्प्लेक्समधील भारतीच्या घराची झडती घेतली. यावेळी घरातून अल्प प्रमाणात अमली पदार्थ जप्त करण्यात आले. एनसीबीने अनेक ठिकाणी छापा टाकत ड्रग्ज पेडलर्सना ताब्यात घेतलं. यातील एका पेडलरने भारतीचं नाव सांगितलं. टीव्हीची पहिली लोकप्रिय अभिनेत्री आहे, जिच्या घरी एनसीबीने छापा टाकला आहे. यापूर्वी अभिनेता आणि मॉडेल अर्जुन रामपाल आणि त्याची गर्लफ्रेंड गॅब्रिएला यांच्या घरी एनसीबीने छापा टाकला होता. अर्जुन रामपाल आणि त्याच्या गर्लफ्रेंडची झाली चौकशी ९ नोव्हेंबर रोजी अर्जुन रामपालच्या घरी छापेमारी दरम्यान एजन्सीने लॅपटॉप, मोबाइल फोन आणि टॅबलेट सारख्या इलेक्ट्रॉनिक वस्तू जप्त केल्या. यावेळी अर्जुनच्या ड्रायव्हरचीही चौकशी करण्यात आली होती. रामपालच्या घरावर छापा टाकण्याच्या एक दिवस अगोदर एनसीबीने बॉलिवूड निर्माता फिरोज नाडियाडवालाची पत्नी यांनाही त्यांच्या जुहू येथील घरातून अटक केली होती. सुशांतसिंह राजपूत प्रकरणात समोर आलं ड्रग्जचं मायाजाळ अभिनेता सुशांतसिंह राजपूतच्या निधनानंतर एनसीबीने मादक पदार्थांशी निगडीत व्हॉट्सअॅप चॅटच्या खुलाशानंतर यासंबंधीची चौकशी सुरू केली. यात एनसीबीने सर्वातआधी सुशांतची गर्लफ्रेण्ड रिया चक्रवर्ती आणि तिचा भाऊ शौविक चक्रवर्ती आणि सुशांतचे कर्मचारी यांना ताब्यात घेतलं. दीर्घकाळ चौकशी केल्यानंतर त्यांना अटक करून तुरुंगातही ठेवण्यात आलं. सध्या रियासह काही आरोपी जामिनावर सुटले आहेत.
from Marathi Bollywood News, Marathi Cinema News https://ift.tt/3lSR52d
