मुंबई: छोट्या पडद्यावरचे 'शक्तिमान' आणि बॉलिवूडचे ज्येष्ठ अभिनेत सध्या चर्चत आहेत. गेल्या काही दिवसांपासून ते सोशल मीडियावर व्यक्त होताना दिसतायत. परंतु अनेक वेगवेगळ्या विषयांवर मत व्यक्त करत असातानाच काही वादग्रस्त वक्तव्य केल्यानं मुकेश खन्ना यांच्यावर प्रचंड टीका होताना दिसतेय. काही दिवसांपासून मुकेश खन्ना यांचा एक व्हिडिओ सोशल मीडियावर प्रचंड व्हायरल होत आहे. या व्हिडिओमध्ये ते स्त्री पुरुष समानतेवर मत व्यक्त करतायत. हे करत असातनाच त्यांनी स्त्रीयांना कमी लेखण्याचा प्रयत्न केल्यानं त्यांच्यावर नेटकऱ्यांनी सडकून टीका केली आहे. इतकंच नाही तर त्यांच्या चाहत्यांनी देखील त्यांच्या या वक्तव्यांबद्दल रोष व्यक्त केलाय 'आम्ही तुम्हाला सुपरहिरो मानलं. परंतु तुमचे असे विचार फारच चुकीचे आहेत', असं त्यांच्या एका चाहत्यानं म्हटलं आहे. मुकेश खन्नाचा हा व्हिडिओ सोशल मीडियावर व्हायरल झाल्यानंतर लोक भडकले आहेत. मुकेश यांच्या तोंडून अशा पद्धतीचं बोलणं ऐकून वाईट वाटतं अशी प्रतिक्रिया त्यांनी दिली. तर काहींनी खन्ना यांची मानसिकता खूप वाईट असल्याचंही म्हटलं. अनेक यूझरनं 'शक्तीमान' खऱ्या आयुष्याकला 'किलविश' निघाला असं म्हटलं. काय म्हणतायत मुकेश खन्ना या व्हिडिओत? व्हिडिओमध्ये मुकेश खन्ना म्हणताना दिसतात की, 'स्त्री- पुरुष हे वेगळे आहेत. स्त्रीची रचना वेगळी असते आणि पुरुषांची रचना वेगळी असते. घराची काळजी घेणं हे बाईचं काम आहे. पण जेव्हापासून महिला कामासाठी घराबाहेर पडायला लागल्या तेव्हापासूनच मीटू सारख्या समस्या सुरू झाल्या. आज तिला पुरुषासोबत खांद्याला खांदा लावून काम करायचं आहे. पण या सगळ्यात ते लहान मुल त्रास सहन करतं ज्याला आईचा सहवास हवा असतो. मुलाला आयासोबत जबरदस्तीने राहायला भाग पाडलं जातं आणि तिच्यासोबत बसून क्योंकी सांसभी कभी बहू थी सारखी मालिका पाहतो. एक पुरुष हा पुरुष असतो आणि स्त्री ही स्त्रीच राहते.
from Marathi Bollywood News, Marathi Cinema News https://ift.tt/3mTZ9jt
