चैन्नई- जगातील सर्वात प्रसिद्ध टेक कंपनी अॅपलवर टॉलीवूडचा सुपरस्टार अक्किनेनी नागार्जुन भडकला आहे. एक ट्वीट करत नागार्जुनने अॅपलवर आपला राग काढला आहे. तसेच चाहत्यांनाही अ‍ॅपचं कोणतंही उत्पादन विकत घेण्यापूर्वी नीट विचार करण्याचा सल्लाही त्याने आपल्या ट्वीटमध्ये दिला आहे. विशेष म्हणजे सोशल मीडियावरील यूझर्सने नागार्जुन यांच्या ट्विटला मजेशीर प्रत्युत्तरं दिली आहेत. नागार्जुनने स्टोअर इंडियाला टॅग करत आपल्या ट्वीटमध्ये लिहिले की, 'अॅपल स्टोअर इंडियाकडून तुम्ही कोणतंही उत्पादन विकत घ्याल तेव्हा काळजीपूर्वक घ्या. कारण त्यांची सेवा एकतर्फी आहे आणि त्यांची धोरणं अत्यंत निरुपयोगी आहेत. नागार्जुनने या ट्वीटमध्ये रागावलेले इमोजीही शेअर केले. एका चाहत्याने दिला रेड मी खरेदी करण्याचा सल्ला अॅपलकडून त्यांनी नेमकं कोणतं उत्पादन विकत घेतलं आणि नेमकी त्या उत्पादनात काय समस्या आली हे मात्र नागार्जुन यांनी सांगितलं नाही. गंमतीची गोष्ट म्हणजे नागार्जुन यांचं हे ट्वीट आता त्यांच्या चाहत्यांकडूनच व्हायरल केलं जात आहे. एका यूझरने लिहिले की तुम्ही रेडमी विकत घ्या. तो फोन वापरायला फार सोप्पा आहे. दुसर्‍या यूझरने लिहिले की सर, तुम्हाला फोनच्याा बदल्यात त्यांनी साबण दिला का? नागार्जुन यांच्या कामाबद्दल बोलायचे झाले तर सध्या 'बिग बॉस ४' च्या चित्रीकरणात व्यग्र आहे. त्याचबरोबर ते 'वाइल्ड डॉग' सिनेमातही दिसणार आहेत. या अ‍ॅक्शन-थ्रिलर सिनेमात त्यांच्यासोबत दिया मिर्झा आणि सयामी खेर देखील असणार आहेत.
from Marathi Bollywood News, Marathi Cinema News https://ift.tt/3gABWk0
