मुंबई- बॉलिवूडची पंगा क्वीन सोशल मीडियावर खूप अ‍ॅक्टिव आहे. वादग्रस्त पोस्टच्या माध्यमातून ती बर्‍याचदा चर्चेत राहते. शेतकरी आंदोलनाला विरोध करणारी ट्वीट ती सध्या सातत्याने करत आहे. आता कंगनाने अजून एक ट्वीट करून लोकांचं लक्ष आपल्याकडे वेधले आहे. यात कंगनाने स्पष्ट केलं की ती एक विशाल मंदिर बांधण्याचा विचार करत आहे. मंदिर बांधण्याच्या कामासाठी आई दुर्गेनेच तिची निवड केली आहे. अभिनेत्रीच्या या पोस्टवर लोकांनी बऱ्याच प्रतिक्रिया देण्यास सुरुवात केली आहे. कंगनाने तिचा मंदिरातला एक फोटो ट्वीट केला. यात ती देवीच्या मुर्तीसमोर हात जोडून उभी असलेली दिसत आहे. या फोटोसोबत तिने लिहिले की, 'आई दुर्गानेच तिचं मंदिर बांधण्यासाठी मला निवडलं आहे. आमच्या पूर्वजांनी आमच्यासाठी जे बांधलं आहे ते आम्ही पुढे नेऊ. आई देवी खूप दयाळू आहे, ती आमची ही भावना स्वीकारेल. कधीतरी मला एक मंदिर बांधायचं आहे जे खूप सुंदर असेल आणि तिथे आईचा गौरव होईल. हे आपल्या सभ्यतेसाठी असेल. जय माता दी.' कंगनाच्या या पोस्टवर लोकांनी आपल्या प्रतिक्रियाही द्यायला सुरुवात केली. काहींनी तिचं कौतुक केलं तर काहींनी तिच्यावर टीकाही केली. कंगनाची पोस्ट पाहून तिचे कट्टर चाहते म्हणाले की, 'आम्हाला आमच्या हिमाचलच्या मुलीचा अभिमान आहे. खूप चांगली कल्पना आहे.' तर अजून एका यूझरने लिहिले की, 'तुझ्या मनात नक्की काय चाललं आहे हे देवाला चांगलंच माहीत आहे. त्यामुळे तू कितीही प्रयत्न कर तुला तिकीट तर मिळणारच नाही.' कंगना रणौतच्या आगामी सिनेमांबद्दल बोलायचे झाले तर सध्या ती ‘थलायवी’ या सिनेमाच्या चित्रीकरणात व्यग्र आहे. हा सिनेमा तामिळनाडूच्या माजी मुख्यमंत्री जयललिता यांचा बायोपिक असणार आहे. यानंतर कंगना लवकरच तिच्या 'तेजस' सिनेमाच्या चित्रीकरणाला सुरुवात करणार असून यात ती भारतीय वायुसेनेच्या लढाऊ पायलटच्या भूमिकेत दिसणार आहे. याशिवाय तिने 'धाकड' सिनेमाही साइन केले असून यात ती अ‍ॅक्शन सीन करताना दिसणार आहे.
from Marathi Bollywood News, Marathi Cinema News https://ift.tt/3gzXZaL
