मुंबई- अलीकडेच चंडीगडमध्ये 'जुग जुग जियो' सिनेमाच्या चित्रीकरणासाठी आलेल्या , आणि दिग्दर्शक राज मेहता यांना करोनाची लागण झाली आहे. यानंतर आता अभिनेत्री क्रिती सेनॉनदेखील पॉझिटिव्ह असल्याचं समोर आलं आहे. क्रिती तिच्या आगामी सिनेमाच्या चित्रीकरणासाठी चंडीगडमध्ये होती. इथे ती राजकुमार रावसोबत सिनेमाचं चित्रीकरण करत होती आणि चंदीगडच्या शूटिंगचं वेळापत्रक एक दिवस अगोदरच पूर्ण झालं होतं. क्रितीच्या जवळच्या एका सूत्राने सांगितलं की, क्रितीने सोमवारीच करोना पॉझिटिव्ह असल्याची माहिती दिली होती. पण क्रितीची प्रकृती कशी आहे आणि तिच्यात करोना व्हायरसची किती लक्षणं आहेत हे अद्याप समजू शकलेले नाही. क्रिती सेनॉनने अखेर अर्जुन कपूर आणि संजय दत्तसोबत 'पानीपत' सिनेमात काम केलं होतं. लवकरच ती 'मिमी' सिनेमात पंकज त्रिपाठी आणि सई ताम्हणकर सोबत दिसणार आहे. या सिनेमात ती एका सरोगेट आईची भूमिका साकारणार आहे. याशिवाय हिच्याकडे अक्षय कुमारचा 'बच्चन पांडे' आणि प्रभाससोबतचा 'आदिपुरुष' हे दोन मोठे सिनेमे आहेत.
from Marathi Bollywood News, Marathi Cinema News https://ift.tt/3lV75jh
