मुंबई- बॉलिवूड अभिनेत्री सोनम कपूर आणि प्रियांका चोप्रा यांनीही आता नवीन कृषी कायद्याचा विरोघ करणाऱ्या शेतकऱ्यांना सोशल मीडियाच्या माध्यमातून पाठिंबा दिला आहे. आतापर्यंत राजकीय, सिनेमा आणि क्रीडा क्षेत्रातील अनेक नामवंतांनी शेतकऱ्यांना पाठिंबा दर्शविला आहे. मंगळवारी शेतकर्‍यांनी भारत बंदची हाक दिली. यासोबतच की सरकारने त्यांच्या मागण्या मान्य न केल्यास तीव्र आंदोलन करण्याचा आणि राजधानीकडे जाणारे रस्ते रोखण्याचा इशारा दिला. दिलजीत दोसांज, हरभजन मान, जसबीर जस्सी, रितेश देशमुख, सिनेदिग्दर्शक हंसल मेहता आणि इतर अनेक नामवंतांनी यापूर्वीच शेतकऱ्यांना पाठिंबा जाहीर केला आहे. दिलजीतने शेतकऱ्यांच्यामध्ये जाऊन एकजूटीने लढण्याचा संदेश ट्विटरवरून शेअर केला होता. याच ट्वीटला उत्तर देताना प्रियांकाने शेतकर्‍यांच्या समस्यांकडे लवकर लक्ष दिलं पाहिजे असं ट्वीटही केलं होतं. प्रियांकाने ट्वीट करत म्हटलं की, 'आमचे शेतकरी भारताचे अन्न सैनिक आहेत. त्यांची भीती कमी करण्याची गरज आहे. त्यांच्या अपेक्षांची पूर्तता होणे आवश्यक आहे. एक मजबूत लोकशाही म्हणून आपण हे सुनिश्चित केलं पाहिजे की लवकरात लवकर हे संकट दूर होईल.' ट्विटरवर अभिनेत्री कंगना रणौतच्या ट्वीटला जशास तसं उत्तर देणाऱ्या दिलजीतने शेतकरी आंदोलनाला १ कोटी रुपयांची देणगी दिली. नंतर दोसांजने ट्वीट करून शेतकऱ्यांनी पुकारलेल्या भारत बंदला पाठिंबा दर्शवला. अभिनेत्री सोनम कपूर हिने शेतकर्‍यांना 'मानवी संस्कृतीचे संस्थापक' म्हटलं आहे. त्यांनी ट्वीट केले की, 'सर्वातआधी नांगर सुरू झाले, त्यानंतर इतर कलांचा विकास झाला. म्हणूनच शेतकरी हे मानवी संस्कृतीचे संस्थापक आहेत.' अभिनेत्री प्रीती झिंटाने शेतकऱ्यांना सैनिक म्हणत त्यांच्या आंदोलनाला समर्थन दिलं आहे. प्रीतीने ट्वीट करत म्हटलं की, 'या कडाक्याच्या थंडीत आणि करोना महामारीमध्ये आंदोलन करणारे शेतकरी आणि त्यांचे कुटुंबीय पाहून माझ्या जीवाचं पाणी होतं. ते आपला देश चालवणारे मातीचे सैनिक आहेत. शेतकरी आणि सरकार यांच्यात सुसंवाद होईल अशी मला मनापासून आशा आहे. लवकरच सकारात्मक निर्णय निघेल आणि सर्वांचंट समाधान होईल.'
from Marathi Bollywood News, Marathi Cinema News https://ift.tt/39RyGQc
