ठाणे: मराठी रंगभूमीसह, आपल्या अभिनयाने चित्रपटसृष्टी गाजवणारे (Ravi Patwardhan Passes Away) यांचे आज हृदयविकाराच्या झटक्याने निधन झाले. ते ८३ वर्षांचे होते. पटवर्धन यांच्या पश्चात पत्नी, २ मुले, सुना, मुलगी, जावई आणि नातवंडे असा परिवार आहे. आज सकाळी त्यांच्या पार्थिवावर अंत्यसंस्कार करण्यात येत आहेत. ( ravi patwardhan passes away at 83) काल रात्री रवी पटवर्धन यांना श्वास घेण्यास त्रास होत होता. त्यानंतर त्यांना तातडीने खासगी रुग्णालयात दाखल करण्यात आले. मात्र त्यांच्या प्रकृतीत सुधारणा होऊ शकली नाही. पटवर्धन यांना मार्च महिन्यात देखील हृदयविकाराचा झटका आला होता. 'अग्गबाई सासूबाई' ही त्यांची शेवटची मालिका ठरली रवी पटवर्धन यांचा ६ सप्टेंबर १९३७ रोजी जन्म झाला. मराठी नाट्यसृष्टी आणि चित्रपट सृष्टी गाजवल्यानंतर रवी पटवर्धन यांनी छोट्या पडद्यावर देखील आपला ठसा उमटवला. त्यांच्या झुपकेदार मिशा आणि जरब बसवणारा आवाज हा त्यांच्या भारदस्त व्यक्तिमत्वाला अगदी साजेसा होता. आपल्या भारदस्त व्यक्तिमत्वामुळे त्यांनी गावचा पाटील, पोलिस आयुक्त आणि न्यायाधीस अशाबरोबर अनेक खलनायकी भूमिका साकारल्या. पटवर्धन यांनी दीडशेहून अधिक नाटकांमध्ये काम केले आहे. तसेच त्यांनी २०० हून अधिक चित्रपट केले आहेत. विशेष म्हणजे सन १९७४ मध्ये रत्नाकर मतकरी यांच्यासोबत आरण्यक या नाटकात पहिल्यांदा काम केले. त्यानंतर वयाच्या ८२ व्या वर्षीही त्यांनी या नाटकात धृतराष्ट्राचीच भूमिका साकारली. 'अग्गबाई सासूबाई' ही त्यांची शेवटची मालिका ठरली. सन १९४४ साली झालेल्या नाट्यमहोत्सवातील बालनाट्यात पवी पटवर्धन यांनी वयाच्या साडेसहा वर्षांच्या वयात भूमिका साकारली होती. बालगंधर्व हे या नाट्यमहोत्सवाचे अध्यक्ष होते, तर आचार्य अत्रे हे स्वागताध्यक्ष होते. क्लिक करा आणि वाचा- वयामुळे त्यांना विस्मरणाचा त्रास जाणवू लागला होता. त्यानंतर त्यांनी श्याम मानव यांच्याकडून स्वसंमोहन शास्त्राचे देखील धडे घेतले. विशेष म्हणजे वयाच्या ऐंशीव्या वर्षी त्यांनी भगवद्गीतेचे ७०० श्लोक पाठ केले आणि शृंगेरी मठाच्या परीक्षेला देखील बसले. या परीक्षेत रवी पटवर्धन पहिले आले होते. क्लिक करा आणि वाचा- क्लिक करा आणि वाचा-
from Marathi Bollywood News, Marathi Cinema News https://ift.tt/3qAEJyC
