मुंबई- टीव्ही अभिनेत्री देखील सोशल मीडियावरची आवडती सेलिब्रिटी आहे. हिना सध्या प्रियकर रॉकी जयस्वाल आणि कुटुंबियांसोबत सुट्टीचा आनंद घेण्यासाठी मालदीवला गेली आहे. अथांग समुद्र, मोकळं आकाश, सोसाट्याचा वारा या सगळ्या गोष्टींचा हिना सध्या आनंद लुटत आहे. हिनाने तिच्या इन्स्टाग्राम अकाउंटवर या ट्रीपचे काही फोटो आणि व्हिडिओही शेअर केले आहेत. हिनाने मालदीवचा एक बिकनीतला फोटो शेअर केला जो तुफान व्हायरल होत आहे. या फोटोत हिना खानने गुलाबी रंगाची बिकनी घातली आहे. मालदीवमध्ये सूर्य मावळतानाचा फोटो शेअर करताना संपूर्ण दृष्य नयनरम्य दिसत आहे यात काही शंका नाही. हिनाच्या या फोटोवर चाहत्यांनी लाखो लाइक्स आणि कमेन्ट केल्या आहेत. लॉकडाउननंतर हे सेलिब्रिटींच्या सुट्टीचं नवं ठिकाण झालं आहे. लग्नानंतर काजल अग्रवाल हनीमूनसाठी पती गौतम किचलूसोबत मालदीवमध्येच गेली होती. काजल आणि हिनाशिवाय रकुलप्रीत सिंग, तारा सुतारिया, नेहा धुपिया, समंथा अक्किनेनी, दिशा पाटणी, कृष्णा श्रॉफसुद्धा सुट्टीचा आनंद घेण्यासाठी मालदीवमध्ये गेले होते. मालदीवला रवाना होण्यापूर्वी हिना खान 'बिग बॉस १४' मध्ये दिसली होती. सीनिअर्स म्हणून तिने या शोमध्ये प्रवेश घेतला होता. या घरात ती जवळपास दोन आठवडे राहिली होती. हिनाशिवाय सिद्धार्थ शुक्ला आणि गौहर खानही 'बिग बॉस १४' मध्ये दाखल झाले होते. या तिघांनीही प्रेक्षकांचं भरभरून मनोरंजन केलं होतं.
from Marathi Bollywood News, Marathi Cinema News https://ift.tt/3oorrmQ