Kalpeshraj.Kubal@timesgroup.com Twitter : @KalpeshrajMT आठ महिन्यांच्या विरहानंतर रसिकप्रेक्षकांची दिलखुलास दाद मिळाली ती थेट रंगभूमीचा प्रत्यक्ष अनुभव घेतानाच. निमित्त होतं पृथ्वी थिएटरमधील नाट्यप्रयोगांचं. तिसरा घंटा वाजली आणि उपस्थित नाट्यवेडे भारावून गेले. पृथ्वी थिएटरमध्ये सुरु झालेले नाट्यप्रयोग ही संपूर्ण नाट्यसृष्टीची नांदी आहे असं बोललं जातंय. गेल्या तीन-चार दिवसात विलेपार्ले येथील पृथ्वी थिएटरमध्ये ज्येष्ठ अभिनेते नसीरुद्दीन शाह आणि यांनी प्रयोग सादर केले. आठ महिन्यांच्या कालावधीनंतर मुंबईतील नाट्यगृहात रंगलेले हे पहिले नाट्यप्रयोग म्हणता येतील. गेल्या आठवड्याभरात पृथ्वीवर नसीरुद्दीन यांचं 'मोटलीज आइनस्टाइन' आणि मकरंद देशपांडे अभिनित 'गांधी'; तसेच त्यांचंच लेखन दिग्दर्शन असलेलं 'एपिक गडबड' या ांचे प्रयोग रंगले होते. पृथ्वी थिएटरची प्रेक्षक क्षमता दोनशेची आहे. प्रत्येक नाट्यप्रयोगाला शंभर प्रेक्षक प्रेक्षागृहात हजर होते. प्रयोगानंतर मकरंद देशपांडे सांगतात की, 'पुन्हा घरी आल्यासारखं वाटलं. आपण कुठेतरी हरवलेलो असतो आणि त्यांनतर जेव्हा पुन्हा घरी आल्यावर आपुलकीची उब मिळते. ती उब मला पुन्हा रंगमंचावर आल्यावर मिळाली.' गीतकार-अभिनेते स्वानंद किरकिरे, अभिनेत्री कविता लाड आणि अहाना कुमरा देखील प्रेक्षागृहात बसले होते. राज्यसरकारच्या मार्गदर्शक नियमावलीमध्ये सोशल डिस्टंसिंगचं पालन करत केवळ पन्नास टक्के प्रेक्षक क्षमतेत नाट्यगृहात नाट्यप्रयोग करण्याची अनुमती आहे. त्यामुळे नाट्यगृहाच्या एकूण क्षमतेच्या पन्नास टक्के भरल्यानं 'हाफफुल्ल' असा शब्दप्रयोग आता करण्यात येतोय. प्रेक्षकांना हवंय नाटकनाट्यगृहात प्रयोग सुरू झाले आणि रसिकप्रेक्षकांचे पाय नाट्यगृहाकडे वळले. प्रेक्षागृहात तरुण, मध्यमवयीन, ज्येष्ठ नागरीक अशी सगळीच मंडळी हजर होती. नाटक संपल्यावरही प्रेक्षक नाट्यगृहाच्या आवारात रेंगाळत राहिले होते. नाटकातील कलाकारांशी बोलत होते; सेल्फी काढत होते. करोनापूर्वीचा माहोल पुन्हा एकदा परत आल्याचं यावेळी दिसतं होतं. पनवेलहून विलेपार्लेला खास नाटक पाहण्यासाठी आलेला श्रीनाथ म्हात्रेनं सांगितलं, 'पुन्हा जिवंत नाटकाचा अनुभव घ्यायचा होता. त्यामुळे पृथ्वीला नाटक होतंय हे समजल्यावर मी तिथे लगेच हजर झालो. नाट्यगृहात सुरक्षित अंतर पाळण्यासाठी प्रेक्षकांच्या हातात दोन फुटी पाईप देतात. जो आपण आल्या आसनाचा बाजूला ठेवायचा असतो, जेणेकरून इतर कोणी प्रेक्षक तिकडे बसणार नाही.' पृथ्वी सुरक्षित राज्य सरकारनं दिलेल्या मार्गदर्शन नियमावलीनुसार प्रयोग होत आहेत. प्रत्येक प्रयोगापूर्वी नाट्यगृहाचं निर्जंतूकीकरण करण्यात येतं. युव्ही लाईट्स प्रणालीचा देखील वापर केला जातो. प्रेक्षकांची तापमान आणि ऑक्सिजन पातळी तपासली जाते. पृथ्वीमध्ये प्रेक्षागृहात प्रेक्षकांना बसण्याची व्यवस्था 'फ्रि सीटिंग' स्वरुपात असते. त्यामुळे मूळ क्षमतेच्या केवळ पन्नास टक्के प्रेक्षकांनाच थिएटरमध्ये प्रवेश दिला जातो. प्रत्येक प्रेक्षकाला दोन फुटाचा पाईप देखील दिला जातो. आसनावर बसल्यावर तो पाईप बाजूच्या आसनावर ठेवून अंतर आरक्षित करता येईल आणि सोशल डिस्टंसिंगचं पालन होईल. आज आठ महिन्यांनी नाट्यगृह सुरू झालं. लॉकडाउन काळात हे स्वप्नवत वाटत होतं, पण हे स्वप्न आता पूर्ण झालंय. येत्या काही दिवसात मी 'पिताजी प्लिज' या नाटकाचा प्रयोगही करणार आहे. सध्या सगळीकडे 'न्यु नॉर्मल' असल्यानं प्रेक्षक मास्क लावून नाटक बघत आहेत. असं कधी होईल असं वाटलं नव्हतं. पण नाट्यगृहाशी असलेला विरह आता संपल्यानं आनंद आहे. - स्वानंद किरकिरे, गीतकार-अभिनेता काही महिन्यांपासून जिवंत नाट्यप्रयोग अनुभवला नव्हता. आता नाट्यगृह सुरु झाल्यानं मी पहिल्यांदा नाटक पाहायला आले. येत्या दिवसात मी 'एका लग्नाची पुढची गोष्ट' या नाटकाचे प्रयोग करतेय. पुन्हा नाट्यगृहात आल्यावर जाणवलं की, कलाकारांना प्रयोग करण्याची जितकी उत्सुकता आहे त्याहून अधिक उत्सुकता प्रेक्षकांना ते नाटक बघण्याची आहे. - कविता लाड, अभिनेत्री माझा अभिनय प्रवास पृथ्वी थिएटरपासून सुरू झाला आहे. त्यामुळे पुन्हा पृथ्वीला येणं माझ्यासाठी आत्मियतेचं आहे. आठ महिन्यानंतर पहिल्यांदा नसीरुद्दीन शाह सर आणि मकरंद देशपांडे सर यांच्या नाटकांचे प्रयोग मी पाहिले. प्रत्यक्ष समोर बसून नाटकाचा अनुभव घेणं हा सुखद अनुभव आहे. - अहाना कुमरा, अभिनेत्री
from Marathi Bollywood News, Marathi Cinema News https://ift.tt/2L7iPCR
