मुंबई टाइम्स टीम वादग्रस्त वक्तव्यामुळे कायम चर्चेत असणारी अभिनेत्री म्हणजे . समाजात घडणाऱ्या विविध घटनेवर स्वरा उघडपणे व्यक्त होत असते. त्यामुळे अनेकदा तिला ट्रोलिंगचा सामना करावा लागतो. याच ट्रोलिंगविषयी स्वराने अलीकडेच तिचं मत मांडलं आहे. 'माझा तिरस्कार करणाऱ्यांची संख्या जास्त आहे. पण, मला त्याविषयी कोणतीही तक्रार नाही', असं तिने एका मुलाखतीत म्हटलं आहे.'सध्या माझी जी ओळख निर्माण झाली आहे ती पाहून मी गर्वाने सांगते की, सोशल मीडियावर सर्वात जास्त तिरस्कार करणाऱ्या सेलिब्रिटींच्या यादीत मी पहिली आहे. पण मला त्याविषयी फारसं काही वाटत नाही. माझ्या ट्रोलर्सला हे माहीत नसेल. पण, मी मनापासून त्यांची आभारी आहे. कारण त्यांच्याचमुळे मी कायम चर्चेत असते', असं स्वरा म्हणाली. पुढे ती म्हणते, 'सतत चर्चेत राहण्यासाठी मला कोणत्याही चित्रपटाची गरज नसते. कारण माझे सतत मला चर्चेत ठेवण्याचं काम करतात. ज्या कामासाठी आम्ही पीआरची नेमणूक करतो, तेच काम माझे ट्रोलर्स करतात. माझे वडील सगळ्यात चांगले ट्रोलर आहेत. बाबा उघडपणे सोशल मीडियावर बोलू शकत नाहीत ते व्हॉट्सअॅप मेसेज करुन ट्रोल करत असतात. या फोटोत जाड दिसतेस, खाण्यावर नियंत्रण ठेव, अशा कमेंट्स करत असतात. तसंच तू जाड झालीस तर मला काही प्रॉब्लेम नाही. त्याला तुझ्या करिअरवर परिणाम होईल. त्यामुळे सांगतोय', असंही सांगतात.
from Marathi Bollywood News, Marathi Cinema News https://ift.tt/2VCidqt
