मुंबई- Divya Bhatnagar dies of Covid-19: टीव्हीची सुप्रसिद्ध अभिनेत्री हिचा करोनाची लागण झाली होती. आज तिने इस्पितळात अखेरचा श्वास घेतला. ती ३४ वर्षांची होती. गेल्या काही दिवसांपासून दिव्याला इस्पितळात दाखल करण्यात आले होते. पण तिच्या प्रकृतीत सुधार होत नसल्यामुळे तिला वेन्टिलेटरवर ठेवण्यात आलं होतं. दिव्याच्या आईनेच तिची प्रकृती चिंताजनक असल्याचं एका मुलाखतीत सांगितलं होतं. अभिनेत्री देवोलीना भट्टाचार्य आणि शिल्पा शिरोडकर यांनीही सोशल मीडियावर दिव्याला श्रद्धांजली वाहिली आहेत. देवोलिनाने तिच्या सोशल मीडिया अकाउंटवर लिहिले की, 'जेव्हा कोणीच कुणासोबत नसायचं तेव्हा फक्त तूच होतीस. तू माझी हक्काची होतीस जिच्यावर मी ओरडू शकत होते, रागवू शकत होते माझ्या मनातलं बोलून दाखवू शकत होते. मला माहीत आहे की आयुष्य तुझ्यासाठी तितकसं सोप्पं नव्हतं. वेदना खूप असह्य होऊन जातात. पण मला माहीत आहे की आज तू एका चांगल्या ठिकाणी असशील. तू सर्व दुःख, वेदना, खोटेपणा याच्यातून मुक्त होशील. मला तुझी खूप आठवण येईल. दिवु, तुलाही माहित होतं की माझं तुझ्यावर किती प्रेम आहे. फार काळजी वाटते. मोठी जरी तू होतीस पण लहानही तूच होतीस. तुझ्या आत्म्यास शांती मिळो. तू जिथे असशील तिथे आनंदी रहा. तुझी खूप आठवण येईल.' शिल्पा शिरोडकर यांनीही त्यांच्या सोशल मीडिया अकाउंटवर दिव्यासाठी पोस्ट शेअर करत लिहिले की, 'हे माझ्यासाठी खूप वाईट आहे. देव तुझ्या आत्म्याला शांती देवो.' जेव्हा दिव्याची प्रकृती बिघडली होती तेव्हा तिच्या आईने आपल्या निवेदनात स्पष्ट केलं होतं की, दिव्याचा पती गगनने तिला सोडलं होतं. व्हेंटिलेटरवर होती , आईने सांगितली कशी बिघडली तब्येत ईटाइम्सशी बोलताना दिव्याच्या आईने सांगितलं की, 'गेल्या काही दिवसांपासून दिव्याला सहा दिवसांपासून ताप आला होता आणि तिला सारखं अस्वस्थ वाटायचं. मी दिल्लीवरून जेव्हा मुंबईत आले तेव्हा घरी ऑक्सिमीटर घेऊन आले. तिच्या शरीरातील ऑक्सिजनची पातळी तपासली तेव्हा ती ७१ पर्यंत गेली होती. सध्या ती व्हेंटिलेटरवर असून आता ऑक्सिजनची पातळी ८४ आहे. तिची प्रकृती अत्यंत नाजूक आहे. नुकत्याच आलेल्या रिपोर्टनुसार, ती करोना पॉझिटिव्ह आहे.' दिव्याने तिच्या घरच्यांच्या विरोधात जाऊन गगनशी लग्न केलं होतं. दिव्याच्या आईने सांगितलं की गगनने दिव्याची फसवणूक केली. लग्नाच्या काही दिवसांनंतर तो दिव्याला सोडून निघून गेला. मात्र, गगनने सोशल मीडियावर दिव्याच्या आईचे सर्व आरोप खोटे असल्याचा दावा केला. ते म्हणाले की, दिव्याच्या घरातील लोक नेहमीच त्यांच्या लग्नाच्या विरोधात होते आणि तोच विरोध त्यांनी दिव्या इस्पितळात असतानाही दाखवला. गेल्या वर्षी डिसेंबरमध्ये दिव्या आणि गगनने घरच्यांच्या विरोधात जाऊन लग्न केलं. दिव्या तिची लोकप्रिय टीव्ही सीरियल 'ये रिश्ता क्या कहलाता है' साठी ओळखली जाते. याशिवाय तिने 'उडान', 'जीत गया तो पिया मोरे', 'विष' या मालिकांमध्येही काम केलं आहे.
from Marathi Bollywood News, Marathi Cinema News https://ift.tt/37HYgo4
