१४ वेळा प्रयत्न करूनही गरोदर राहू शकली नव्हती अभिनेत्री

मुंबई- प्रसिद्ध कॉमेडियन आणि अभिनेत्री कश्मीरा शाह यांनी २०१३ मध्ये अमेरिकेतील लास वेगास येथे लग्न केलं. लग्नाच्या दोन वर्षांनंतर २०१५ मध्ये त्यांनी याचा खुलासा केला. पण या जोडप्यासाठी लग्नापासून मुल होण्यापर्यंतचा प्रवास फार कठीण होता. काश्मिरीने एका मुलाखती दरम्यान सांगितलं होतं की, तिने १४ वेळा आई होण्याचा प्रयत्न केला होता. पण तिच्या या प्रयत्नांना यश आलं नाही. आपल्या या कटू अनुभवाबद्दल बोलताना ती म्हणाली की, 'सलग तीन वर्ष मी प्रयत्न करत होते. पण आमचे प्रयत्न अयशस्वी झाले. त्याकाळात मी कामांमधून ब्रेकही घेतला होता. आमच्या दोघांसाठी तो एक कठीण काळ होता. नासर्गिकरित्या आई होण्याचे आम्ही अनेक प्रयत्न केले होते.' कश्मिरा पुढे म्हणाली की, 'मी आयव्हीएफचे इन्जेक्शनसुद्धा घेतली होती. ज्यामुळे माझे खूपदा मूड स्वींग व्हायचे. याकाळात माझं वजनही वाढलं होतं. माझी कंबर २४ वरून ३२ झाली होती. पण मी कधीही स्वतःला अपयशी मानलं नाही. या काळात असेही काही लोक होते जे माझ्यावर घाणेरड्या टिप्पण्या करत होते.' 'त्यांना वाटत होतं की मला माझी फिगर खराब करायची नव्हती म्हणून मी गरोदर होऊ इच्छित नव्हती. पण असं काहीच नव्हतं. माझ्याकडून जेवढं शक्य होतं तेवढे सगळे प्रयत्न मी केले. मी त्या सरोगेट आईचीही खूप आभारी आहे जिने माझ्या मुलांना जन्म दिला आणि एवढ्या वेदना सहन केल्या.'

from Marathi Bollywood News, Marathi Cinema News https://ift.tt/3ms5UsG