मुंबई- अनुष्का शर्माने काल ११ जानेवारी रोजी मुलीला जन्म दिला. यानंतर अनुष्का आणि विराट कोहलीला जगभरातून शुभेच्छांचा वर्षाव केला जात आहे. दरम्यान, विराटच्या भावाने विकासने त्याच्या इन्स्टाग्राम अकाउंटवर विरुष्काच्या मुलीचा पहिला फोटो शेअर केला. अगदी थोड्याच वेळात सोशल मीडियावर हा फोटो तुफान व्हायरल झाला. विराट- अनुष्काच्या मुलीचा पहिला फोटो पाहिल्यानंतर आता तिचं नाव काय ठेवणार याची उत्सुकता चाहत्यांमध्ये दिसत आहे. काही माध्यमांच्या वृत्तानुसार, अनुष्का आणि विराट यांनी त्यांच्या मुलीचं नाव () असं ठेवण्याचा विचार केला आहे. एका इंग्रजी वेबसाइटने प्रसिद्ध केलेल्या वृत्तानुसार, इस्पितळात मुलीचं नाव अन्वी असं नोंदवण्यात आल्याचं म्हटलं जात आहे. काय आहे अन्वी नावाचा अर्थ संस्कृतमध्ये अन्वी हे देवी लक्ष्मीचं दुसरं नाव आहे. याशिवाय जंगलाची देवी असाही या नावाचा दुसरा अर्थ आहे. अन्वी नावाचे लोक निसर्गप्रेमी असतात असंही म्हटलं जातं. याशिवाय Anushka च्या An आणि विराटच्या vi ने मिळून Anvi हे नाव तयार करण्यात आलं आहे. असं असलं तरी विराट किंवा अनुष्का यांपैकी कोणीही या नावाबद्दल अधिकृत काहीही बोलले नाही. अनोख्या पद्धतीने दिली मुलीच्या जन्माची गोड बातमी विराटने आपल्या मुलीच्या जन्माबद्दल गोड बातमी शेअर करताना लिहिले की, 'आम्हाला सांगताना आनंद होत आहे की आज दुपारी आम्हाला मुलगी झाली. आम्ही तुमच्या प्रेमाबद्दल आणि तुमच्या शुभेच्छाबद्दल आभारी आहोत. अनुष्का आणि आमची मुलगी दोघींची तब्येत ठीक आहे. आमच्या आयुष्याचा हा नवा अध्याय आहे. आता आम्हाला एकमेकांसोबत वेळ घालवण्याची किती गरज आहे याची तुम्हाला चांगली कल्पना असेल. त्यामुळे आता थोडी प्रायव्हसी द्या अशी विनंती आम्ही करतो.'
from Marathi Bollywood News, Marathi Cinema News https://ift.tt/3i3DjIZ
