मुंबई : बॉलिवूड अभिनेत्री आणि भारतीय क्रिकेट संघाचा कर्णधार या सेलिब्रिटी जोडप्याला सोमवारी कन्यारत्न प्राप्त झालं. विराटनं स्वत: ट्वीट करून ही गोड बातमी आपल्या चाहत्यांना दिली. या बातमीनंतर चाहत्यांनी विराट आणि अनुष्कावर अभिनंदनाचा वर्षाव केला. ‘आम्हाला सांगताना आनंद होत आहे की आज दुपारी आम्हाला मुलगी झाली. आम्ही तुमच्या प्रेमाबद्दल आणि तुमच्या शुभेच्छाबद्दल आभारी आहोत,’ असे ट्वीट विराटनं केलं. मात्र, त्याच वेळी ‘आम्हाला आमच्यासाठी थोडा वेळ द्या,’ अशी मागणीही त्यानं चाहत्यांकडे केली. ‘अनुष्का आणि मुलीची तब्येत ठीक आहे. आमच्या आयुष्याचा हा नवा अध्याय आहे. आता आम्हाला एकमेकांसोबत वेळ घालवण्याची किती गरज आहे याची तुम्हाला चांगली कल्पना असेल. त्यामुळे आता थोडी प्रायव्हसी द्या अशी विनंती आम्ही करतो,’ असे विराटनं म्हटलं आहे. ही गोड बातमी ऐकल्यानंतर विरुष्काच्या चाहत्यांनी सोशल मीडियावर शुभेच्छांचा वर्षाव केला. मीम्सही व्हायरल झाले. इतकंच नाही तर विरुष्काच्या लेकीचं नाव काय असणार? हे देखील नेटकऱ्यांनी ठरवलं आहे. अनुष्का आणि विराट यांच्या नावातून नेटकऱ्यांनी 'अनुवी' हे नाव सुचवलं आहे. तर अनेकांनी विरुष्कानं त्यांच्या लेकीचं नाव 'अनवी' किंवा 'अन्वी' ठेवलं जाईल, असं म्हटलं आहे. अशीही चर्चा दरम्यान, अनुष्का शर्मा विराट आणि कोहली यांनी मुलीचं नाव ठरवण्याचा निर्णय यांना विचारूनच घेणार आहेत. असं म्हटलं जातं की अनुष्का आणि विराट दोघंही महाराज अनंत बाबा यांना खूप मानतात. लग्नापासून ते घर घेण्यापर्यंतच्या प्रत्येक महत्त्वपूर्ण निर्णय त्यांनी अनंत बाबा यांना विचारूनच घेतले आहेत.
from Marathi Bollywood News, Marathi Cinema News https://ift.tt/2LiFht8
