मुंबई टाइम्स टीम गेल्या वर्षी प्रदर्शित झालेल्या प्रत्येक वेब सीरिजनं स्वत:चा वेगळा ठसा उमटवला. काही सीरिजच्या कथानकानं तर काही कलाकारांनी प्रेक्षकांच्या मनात घर केलं. या माध्यमानं मनोरंजनाची एक नवी व्याख्या निर्माण केली. सीरिजना मिळालेला प्रतिसाद बघता त्याचे पुढचे सीझन आणण्यासाठी निर्माते-दिग्दर्शकांनी कंबर कसली आहे. कथानकाला वेगळं वळण देऊन आणि त्यात चालू घडामोडींचा टच देऊन पुढचा सीझन सादर केला जाणार आहे. हे वर्ष अनेक सीरिजच्या पुढच्या सीझननं गाजणार आहे. कारण, १५ हून अधिक सीरिजच्या पुढच्या सीझनची घोषणा झाली आहे. बॉबी देओल अभिनित '' सीरिजला तुफान प्रतिसाद मिळाला. उत्सुकता जास्त न ताणता त्याच्या पहिल्या सीझनचा चॅप्टर २ लगेच प्रदर्शित करण्यात आला. आता सीरिजचा दुसरा सीझन प्रेक्षकांच्या भेटीला येणार आहे. वेगळ्या अंदाजात असलेल्या ''च्या दुसऱ्या सीझनची प्रतीक्षा प्रेक्षक आतुरतेनं करत होते. तर याचा दुसरा सीझन फेब्रुवारी महिन्याच्या मध्यात येतोय. अभिनेत्री रसिका दुग्गलच्या अप्रतिम अभिनयानं सजलेली 'आऊट ऑफ लव्ह' ही सीरिज प्रेक्षकांना भावली. त्याच्या दुसऱ्या सीझनचं चित्रीकरण नुकतंच उटी येथे पार पडलं. त्यामुळे त्याच्या प्रदर्शनाकडे प्रेक्षकांचं लक्ष लागलं आहे. वीर आणि समीरा या जोडप्याची प्रेमकहाणी 'ब्रोकन बट ब्युटीफूल'च्या दोन सीझनमध्ये पाहायला मिळाली. आता तिसऱ्या सीझनमध्ये आगत्स्य आणि रुमी यांच्यातील प्रेम कहाणी पाहायला मिळणार आहे. ट्विस्ट आणि टर्न्स हे वेब सीरिजचं वैशिष्ट्य. शेवट अर्धवट दाखवून प्रेक्षकांमध्ये 'पुढे काय होणार' याबाबतची उत्सुकता निर्माण केली जाते. यामुळे दुसऱ्या सीझनसाठी वाट मोकळी होते. त्यामुळे पहिल्या सीझनला मिळालेला प्रेक्षक आपसूकच दुसऱ्या सीझनकडे कुतूहलापोटी वळतो. तर काही सीरिजचा बाज सारखाच असतो पण त्यातली गोष्ट वेगळी असल्यामुळे प्रेक्षक अशा सीरिजकडेही खेचला जातो. काही लोकप्रिय सीरिजसह 'अपहरण', 'देव डीडी', 'पंच बीट', 'बेकाबू', 'फितरत', 'गुल्लक', 'आर्या', 'मेट्रो पार्क', 'द टेस्ट केस', 'हे प्रभू', 'रक्तांचल', 'हाय', 'हॅलो मिनी', 'इललीगल' आणि 'द गॉन गेम' या सीरिजचे दुसरे सीझन प्रदर्शनांच्या वाटेवर आहेत. तर 'एक थी बेगम' आणि 'समांतर' या मराठी सीरिजचेही दुसरे सीझन लवकरच प्रेक्षकांच्या भेटीला येणार आहेत. आता नव्या सीझनमध्ये चढाओढ रंगताना दिसणार आहे. कलाकार कोण?सर्वसाधारणपणे सीरजचे पुढचे सीझन आणताना त्यातील काही कलाकार बदलले जातात किंवा नवीन पात्रं आणली जातात. 'द फॅमिली मॅन २'मध्ये दाक्षिणात्य अभिनेत्री समंथा अक्किनेनी चमकणार आहे. तर 'द टेस्ट केस २'मध्ये मुख्य भूमिकेत हर्लिन सेठी दिसणार आहे. 'ब्रोकन बट ब्युटीफूल ३' च्या माध्यमातून सिद्धार्थ शुक्ला आणि सोनिया राठी ही नवी जोडी प्रेक्षकांच्या भेटीला येणार आहे. यासारखे आणखीन कोणत्या सीरिजच्या पुढच्या सीझनमध्ये नवे चेहरे पाहायला मिळणार आहेत, याबाबत प्रेक्षकांच्या मनात उत्सुकता आहे. वेब सीरिजचा आधीचा सीझन गाजला की लगेच दुसऱ्या सीझनची तयारी सुरु केली जाते. प्रेक्षकांच्या अपेक्षा वाढलेल्या असते. कारण, आधीच्या सीझनमध्ये त्या सीरिजनं विशिष्ट उंची गाठलेली असते. पुढच्या सीझनमध्ये तोच दर्जा टिकवून ठेवणं आव्हानात्मक असतं. आता या वर्षी येणाऱ्या सीरिज काय कमाल करतात हे बघणं उत्सुकतेचं असेल. सीरिजचं कथानक उगाच ओढून-ताणून दाखवण्याला काही अर्थ नाही. त्यामुळे नवीन काय दिसतंय ते कळेलच. - अमोल उद्गीरकर, वेब सीरिज अभ्यासक
from Marathi Bollywood News, Marathi Cinema News https://ift.tt/3bonWtm
