मुंबई: मुंबई: ब्रिटनमध्ये करोनाचा नवीन प्रकार आढळल्याच्या पार्श्वभूमीवर विविध देशांनी ब्रिटनमधून येणाऱ्या विमानांवर बंदी घातली होती. यामुळं शूटिंगच्या निमित्तानं लंडनमध्ये गेलेले अनेक तिथं अडकले होते. अडकेल्या कलाकारांपैकी एक होता अभिनेता . अखेर तो आता भारतात परतला आहे गेले दोन आठवडे संतोष जुवेकर लंडनमध्ये अडकला होता. लंडनमध्ये अचानक लॉकडाउन जाहीर केल्यामुळं तो तिकडे अडकला होता. दीड महिन्यांपूर्वी संतोष त्याच्या आगामी सिनेमा चित्रीकरणासाठी लंडनला गेला होता. चित्रीकरणानंतर काही दिवस तो लंडनमधील त्याच्या मित्रांना भेटण्यासाठी तिकडेच राहिला होता. परंतु, लंडनमध्ये लॉकडाउन जाहीर केल्यानंतर त्याला भारतात परतता येत नव्हतं. आता बऱ्याच प्रयत्नांनी संतोष मुंबईमध्ये दाखल झाला असून पुढील सात दिवस तो मुंबई विमानतळाजवळील एका हॉटेलमध्ये क्वारंटाइन असणार आहे. 'मी मुंबईमध्ये सुखरुप परतलो आहे. मुंबईची, भारताची खूप आठवण येत होती. दीड महिना मी लंडनमध्ये होतो. सिनेमाच्या चित्रीकरणानंतर वीस दिवस मी माझ्या मित्राकडे राहिलो. आता मुंबई परतल्यानंतर बरं वाटतंय. विमानतळावरील सर्व कर्मचाऱ्यांच्या कार्याला मी सलाम करतो. आमच्या आणि आपल्या मुंबईच्या सुरक्षिततेसाठी ते तत्पर आहेत. त्यांना सहकार्य करणं आपलं कर्तव्य आहे.' अशी प्रतिक्रिया संतोषनं दिली आहे.
from Marathi Bollywood News, Marathi Cinema News https://ift.tt/2MTnFV2
