टीव्हीतून आपल्या अभिनय कारकीर्दीची सुरुवात करणारी बॉलिवूड अभिनेत्री अलीकडे विमानतळावर व्हिलचेअरवरून जाताना दिसली. अनेक सिनेमांत काम केलेल्या प्राचीचे हे फोटो सकाळपासून सोशल मीडियावर व्हायरल होत आहेत. प्राचीला नेमकी काय झालं हे चाहत्यांनना जाणून घ्यायचं आहे. प्राची मुंबईहून जैसलमेरला जाणारं विमान पकडण्यासाठी निघाली होती. असं सांगितलं जात आहे की प्राचीला दुखापत झाली, ज्यामुळे तिला व्हिलचेअरची आवश्यकता निर्माण झाली. एका वेबसाइटने प्रसिद्ध केलेल्या वृत्तानुसार, प्राचीच्या डाव्या पायाला दुखापत झाली. यामुळे तिला चालताही येत नव्हतं. पण चित्रीकरणाच्या तारखांमुळे तिने कुठेही न थांबता जैसलमैरला जाण्याचा निर्णय घेतला. सिनेमात एक स्टंट सीन शूट करताना प्राचीला ही दुखापत झाल्याचं सांगण्यात येत आहे. प्राचीने 'रॉक ऑन' सिनेमातून बॉलिवूडमध्ये पदार्पण केलं होतं. प्राची अखेर 'रॉक ऑन २' सिनेमात दिसली होती. प्राची सध्या झी५ सिनेमाच्या चित्रीकरणात व्यग्र आहे. या सिनेमात प्राचीसोबत मनोज बाजपेयी मुख्य भूमिकेत दिसणार आहेत. या व्यतिरिक्त, प्राचीने काही सिनेमेही साइन केले आहेत जे लवकरच प्रदर्शित होतील.
from Marathi Bollywood News, Marathi Cinema News https://ift.tt/3bLKB2I
