मुंबई- बॉलिवूडमध्ये आता हळूहळू आनंदाच्या बातम्या ऐकू येत आहेत. नुकतंच अभिनेत्री अनुष्का शर्माने मुलीला जन्म दिला. आता अभिनेता वरुण धवनच्या घरातही लवकरच लग्नाची लगबग सुरू होणार आहे. मीडिया रिपोर्टनुसार, वरुण या महिन्यातच त्याची गर्लफ्रेंड नताशा दलालशी लग्न करणार आहे. वरुण आणि नताशा अलिबागमधील एका पंचतारांकित हॉटेलमध्ये लग्न करणार असल्याचं म्हटलं जात आहे. विशेष म्हणजे दोन्ही घरात लग्नाची तयारी सुरू झाल्याचंही सांगण्यात येत आहे. वरुण अलिबागमध्ये पंचतारांकित हॉटेल बुक करण्यासाठी गेला असून त्याने काही रक्कमही तिथे भरली आहे. त्याचबरोबर अशी माहिती आहे की वरुण आणि नताशाच्या लग्नात २०० लोकांना बोलावण्यात येणार आहे. असं असलं तरी या महिन्यात वरुण आणि नताशा कोणत्या तारखेला लग्न करणार याचा खुलासा अजून झालेला नाही. विशेष म्हणजे, करीना कपूरने तिच्या रेडिओ चॅट शोमध्ये नताशाला वरुणची होणारी बायको म्हणून संबोधले होते. या शोमध्ये वरुण धवन एकटा आला होता. अशात वरुण आणि नताशा यांचा साखरपुडा झाल्याचं स्पष्ट होतं. वरुण आणि नताशा गेली अनेक वर्ष एकमेकांना डेट करत आहेत. आतापर्यंत बर्‍याचदा दोघांच्या लग्नाची चर्चाही झाली आहे. वरुणने शोमध्ये नताशा आणि त्याच्या प्रेमकथेबद्दल सांगितलं आहे. वरुण म्हणाला की, 'जेव्हा मी नताशाला पहिल्यांदा भेटलो होतो तेव्हा ती सहाव्या इयत्तेत होती. तेव्हा आम्ही डेट करत नव्हतो. अकरावी-बारावीपर्यंत आम्ही एकमेकांचे चांगले मित्र होतो. काही काळानंतर नताशा मला आवडू लागली.' फार कमी लोकांना माहीत आहे की नताशाने यापूर्वी बर्‍याचदा वरुणला नकार दिला होता. पण वरुणच्या सतत प्रयत्नांपुढे तिचं फारसं काही चाललं नाही आणि तिने वरुणला होकार दिला.
from Marathi Bollywood News, Marathi Cinema News https://ift.tt/3sl0B1E
