मुंबई- बॉलिवूड अभिनेत्री तिच्या निर्भिड वक्तव्यांसाठी आणि आपल्या बोललेल्या विधानांवर ठाम राहण्यासाठी ओळखली जाते. कंगना सोशल मीडियावर बरीच सक्रीय असते. दररोज ती आपल्या सिनेमांशी आणि खासगी आयुष्याशी निगडीत काही ना काही ट्वीट करत असते. कंगनाचे चाहतेही तिच्या या ट्वीट्सची आतुरतेने वाट पाहत असतात. सिनेमा, राजकारण आणि समाज यांविषयी जे मनात आहे ते बोलणाऱ्या कंगनाने आता तिला नक्की कशाची भीती वाटते ते सोशल मीडियावर सांगितलं. कंगनाने नुकतंच एक ट्वीट करत म्हटलं की, 'एक कलाकार म्हणून घराणेशाही आणि मुव्ही माफिया यांच्याहूनही भयावह गोष्ट म्हणजे नाईट शिफ्टमध्ये काम करणं. जेव्हा सूर्योदय होतो तेव्हा तुम्ही झोपता. तुमच्या शरीराच्या आणि जेवणाच्या वेळा पूर्णपणे बदलून जातात. पहिले काही रात्री तर मला भूकही लागत नाही आणि सारखं काही तरी हरवल्यासारखं जाणवत राहतं. माझ्या शरीराला याची सवय होण्याची वाट पाहत आहे. तसं ट्विटरवर अजून काय बातम्या आहेत..' कंगनाच्या सिनेमांबद्दल बोलायचं झालं तर नुकतंच तिने 'थलायवी' सिनेमाचं चित्रीकरण पूर्ण केलं. या सिनेमात कंगना तमिळनाडूच्या माजी मुख्यमंत्री जयललिता यांची भूमिका साकारत आहे. याशिवाय तिने '' सिनेमाच्या तयारीलाही सुरुवात केली. सध्या या सिनेमाचं चित्रीकरण सुरू आहे. यानंतर ती ‘’ सिनेमाच्या चित्रीकरणाला सुरुवात करणार आहे. यात ती भारतीय वायुसेनेच्या पायलटची भूमिका साकारत आहे.
from Marathi Bollywood News, Marathi Cinema News https://ift.tt/2XS0zQM
