मुंबई- क्रिकेटपटू याचे वडील यांचं नुकतच निधन झालं. हिमांशू यांची सून आणि अभिनेत्री आपल्या सासऱ्यांच्या आठवणीत अनेक फोटो शेअर केले आहेत. यासोबतच तिने एक भावुक पोस्टही लिहिली आहे. ही पोस्ट वाचून नताशा तिच्या सासऱ्यांचा किती आदर करायची हे दिसून येतं. नताशाने शेअर केलेल्या फोटोंपैकी एका फोटोत ती, तिचा मुलगा अगस्त्य आणि सासरे हिमांशू दिसत आहेत. ती आपल्या सासऱ्यांना केक भरवत आहे. यासोबतच तिने सासरे आणि अगस्त्य यांचे अनेक फोटो आणि व्हिडिओ शेअर केले आहेत. यावेळी नताशाने घर पूर्ण शांत झाल्याचं लिहिलं. नताशाने तिच्या पोस्टमध्ये लिहिले की, 'तुम्ही आता आमच्यात नाही यावर अजूनही विश्वास बसत नाही. तुम्ही कुटुंबातील प्रेमळ, तसंच मजबूत आणि मजेशीर व्यक्ती होता. तुम्ही आपल्या मागे अनेक सुंदर आठवणी सोडल्या आहेत. आता हे घर पूर्वीसारखं राहिलं नाही. तुमची आणि तुमच्या जोक्सची खूप आठवण येते. मला याचा आनंद आहे की तुम्ही तुमचं आयुष्य एका राज्यासारखं जगलं. तुम्ही आमचे खरे रॉकस्टार आहात. मी आपल्या अगस्त्यला नक्कीच सांगेन की त्याचे आजोबा किती चांगले होते. तुम्ही सतत हसत रहा. सगळ्या गोष्टींसाठी तुमचे आभार आणि बाबा तुमच्यावर आमचं खूप प्रेम आहे.' हार्दिकचे वडील हिमांशु पांड्या यांचं १६ जानेवारी रोजी हृदयविकाराच्या झटक्याने निधन झालं. ते ७१ वर्षांचे होते. आपल्या मुलांना क्रिकेटपटू बनविण्यात हिमांशू यांनी खूप कष्ट घेतले होते. आर्थिक परिस्थिती बेताची असतानाही त्यांनी पैसे उभे केले आणि आपल्या दोन मुलांना किरण मोरे क्रिकेट अकादमीमध्ये पाठवलं. हार्दिकने सोशल मीडियावर आपल्या वडिलांच्या योगदानाबद्दल अनेकदा सांगितलं आहे. वडिलांच्या निधनानंतर हार्दिकने वडिलांचे अनेक फोटो इन्स्टाग्रामवर शेअर केले. यावेळी त्याने लिहिले की, 'माझ्या वडिलांसाठी आणि माझ्या नायकासाठी.. तुम्हाला गमावणं स्वीकारणं ही आयुष्यातली सर्वात कठीण गोष्ट आहे. पण तुम्ही अनेक आठवणी मागे सोडून गेला आहात. तुम्ही आमच्यासाठी बर्‍याच आठवणी सोडल्या आहेत, ज्यात आम्ही तुम्हाला फक्त हसतानाच पाहत आहोत.'
from Marathi Bollywood News, Marathi Cinema News https://ift.tt/2NbQfB3
