मुंबई- मनोरंजनविश्वात काही आगामी बिग बजेट सिनेमांची चर्चा आतापासूनच रंगू लागली आहे. एरवी 'सुपरहिरो'चे चित्रपट म्हटल्यावर सर्वप्रथम हॉलिवूडपटांचीच चर्चा होते. पण, आता लवकरच 'देशी सुपरहिरो' भारतीय प्रेक्षकांच्या भेटीला येणार आहेत. याआधी बॉलिवूडमध्ये सुपरहिरोवर चित्रपट झाले आहेत. आता त्या सिनेमांचे सिक्वेल येणार असल्याचं कळतं. काही दिग्दर्शक आणि निर्मात्यांनी आपला मोर्चा चित्रपटांकडे वळवला आहे. त्यामुळे या वर्षाच्या उत्तरार्धात तसंच पुढच्या वर्षी देखील अनेक 'देशी सुपरहिरोज'ची मांदियाळी बॉलिवूडमध्ये असेल. अभिनेते मुकेश खन्ना यांनी लॉकडाउनच्या दिवसात त्यांच्या सोशल मीडिया अकाऊंटवर एक पोस्ट शेअर करत ‘शक्तिमान’ सीरिजच्या आगामी तीन चित्रपटांची घोषणा केली होती. तसंच काही दिवसांपूर्वी अभिनेता विकी कौशल यानं त्याच्या आगामी 'द इमोर्टल अश्वत्थामा' चित्रपटाचा पोस्टर प्रदर्शित केला होता. हा पोस्टर सोशल मीडियावर तुफान व्हायरल झाला होता. हा चित्रपट महाभारतातील एका पात्रावर आधारीत असल्याचं म्हटलं जातंय. त्याला सुपरहिरो टच असून चित्रपट सायन्स फिक्शन आणि थ्रिलरच्या श्रेणीतील असेल असं कळतंय. तर दुसरीकडे 'क्रिश ४' हा सिनेमा देखील येत्या वर्षात प्रेक्षकांच्या भेटीस येणार आहे. तंत्रज्ञानाच्या बाबतीत हा सिनेमा अग्रेसर असेल असं कळतंय. अभिनेता कार्तिक आर्यन देखील 'फँटम' या सुपरहिरो सिनेमात दिसणार आहे. सुपरहिरोची फॅन्टसी अयान मुखर्जी दिग्दर्शित 'ब्रह्मास्त्र' हा सिनेमा वर्षाअखेरीस प्रदर्शित होणार होता. पण, आता पुढील वर्षी तो प्रदर्शित होणार असल्याचं कळतंय. या सिनेमात सुपरहिरो फॅन्टसी असणार आहे. अमिताभ बच्चन, रणबीर कपूर, आलीय भट यांच्या सिनेमात मध्यवर्ती भूमिका आहेत. 'नागराज'ची चर्चा नागराज कॉमिस्कवर आधारित चित्रपट बनवण्याची हालचाल सुरु झाली आहे. या सिनेमात रणवीर सिंग मुख्य भूमिकेत असू शकतो. या सिनेमाच्या निर्मितीची धुरा करण जोहरकडे असण्याची शक्यता आहे. आणि सैफची टक्कर 'आदिपुरुष' या आगामी चित्रपटात प्रभास आणि हे कलाकार झळकणार आहेत. या चित्रपटात प्रभास श्री रामचंद्राच्या भूमिकेत दिसणार असून त्याला सुपरहिरोचा टच असेल असं समजतं. त्यामुळे सिनेमात सैफ आणि प्रभासची टक्कर बघायला मिळेल. कतरिनाही सुपरहिरो अली अब्बास जफरचा आगामी सिनेमा सुपरहिरो थीमवर आधारित असल्याचं कळतंय. या सिनेमातील भूमिकेसाठी कतरिना कैफची निवड झाली आहे. लॉकडाउनच्या दिवसात या चित्रपटाच्या कथानकावर काम सुरु होतं. या सिनेमाचं नाव 'सुपर सोल्जर' असं असणार आहे. तर दुसरीकडे अभिनेत्री प्रियांका चोप्रा देखील आगामी 'वुई कॅन बी हिरोज' या वेबसिनेमात दिसणार आहे. सुपरहिरो - ब्रह्मास्त्र - द इमॉर्टल अश्वत्थामा - आदिपुरुष - वुई कॅन बी हिरोज - क्रिश ४ - नागराज - फँटम - सुपर सोल्जर - शक्तिमान
from Marathi Bollywood News, Marathi Cinema News https://ift.tt/3szEbK8
