मुंबई- आजच्या डिजिटल जगात कोण कोणाला कधी ट्रोल करेल काही सांगता येत नाही. या सोबतच सोशल मीडियावर शेअर होणाऱ्या गोष्टी किती खऱ्या आणि किती खोट्या याचाही अंदाज बांधता येत नाही. आता अभिनेता आर माधवनशी संबंधित एक घटना घडली आहे. सोशल मीडियावर ट्रोल झाला नसला तरी तसे प्रयत्न मात्र करण्यात आले होते. पण अभिनेत्याने अगदी कुशलतेने ट्रोलचा प्रयत्न करणाऱ्या व्यक्तीला शांत केलं. विशेष म्हणजे माधवनला व्यसनाधीन बोलणारी कथित महिला डॉक्टर असून तिने माधवन व्यसनाधीन असल्याचा आरोप केा आहे. अनुषा भंडार नावाच्या या ट्विटर युजरने ट्विटरवरील बायोमध्ये स्वतःला डॉक्टर म्हटलं आहे. अभिनेता याने मॅडीसोबत शेअर केलेल्या फोटोवर तिने कमेन्ट केली. अमितने माधवनसोबतचा फोटो शेअर करत लिहिले की, 'भाऊ... मॅडी सर... त्या ३० मिनिटांत तू मला पुन्हा एकदा प्रेरणा दिलीस... तुझ्यावर खूप प्रेम आहे.' अमितच्या या ट्वीटवर अनुष्का नावाच्या एका यूझरने असं काही अडकवण्याचा प्रयत्न केला की अनेकांना आश्चर्यच वाटलं. डॉक्टर अनुष्काने मॅडीला म्हटलं 'व्यसनी' अमितच्या पोस्टवर भाष्य करताना अनुषा भंडारने लिहिले की, 'कधी एकेकाळी मॅडी सर माझा सर्वोत्तम अभिनेता होता. पण जेव्हापासून माधवनला दारू आणि अमली पदार्थांमुळे स्वतःची कारकीर्द, आरोग्य आणि आयुष्य वाया घालवताना पाहिलं ते फार निराशाजनक होतं. जेव्हा त्याने RHTDM मधून बॉलिवूडमध्ये पदार्पण केलं तेव्हा तो एका उमलणाऱ्या कळीसारखा होता. पण आता त्याला पाहिलं की त्याचा चेहरा आणि डोळे सर्व काही सांगून जातात..' माधवन म्हणाला- तुझ्या रुग्णांची चिंता वाटते विशेष म्हणजे आर माधवनने तिची ही कमेन्ट पाहिली. त्याने मजेशीर अंदाजात फक्त तिच्या ट्वीटला उत्तरच दिलं नाही तर तिची बोलतीही बंद केली. माधवनने लिहिले की, 'ओह तर तू असा निष्कर्ष काढलास? मला तुझ्या रुग्णांची चिंता वाटते. मला वाटतं तुला स्वतःलाच एका डॉक्टराचा सल्ला घेण्याची गरज आहे.' चाहत्यांनीही दिला माधवनला पाठिंबा- माधवनच्या प्रतिक्रियेनंतर त्याच्या चाहत्यांनीही या ट्वीटवर प्रतिक्रिया द्यायला सुरुवात केली. दरम्यान, माधवनबद्दल बोलायचे झाले तर त्याने आपल्या भावासोबत इको-फ्रेंडली प्रोजेक्ट सुरू केला आहे. याशिवाय सिनेमांमध्ये नुकताच त्याने वैज्ञानिक आणि एरोस्पेस अंजीनिअर नाम्बी नारायण यांचा बायोपिक 'द नाम्बी इफेक्ट'चं चित्रीकरण पूर्ण केलं.
from Marathi Bollywood News, Marathi Cinema News https://ift.tt/2XiRmRc