मुंबई- याच्या निधनानंतर बर्‍याच आरोपांमुळे चर्चेत असलेली अभिनेत्री हिचा एक व्हिडिओ समोर आला आहे. यात ती वांद्रे येथे सर्वसामान्यांप्रमाणे रस्त्यावर चालताना दिसत आहे. या व्हिडिओमध्ये रिया रस्त्यावर फुलविक्रेत्याकडून फुलं घेताना दिसत आहे. रियाचा हा व्हिडिओ प्रसिद्ध फोटोग्राफर विरल भयानी यांनी इन्स्टाग्रामवर शेअर केला आहे. या व्हिडिओमध्ये रिया आपल्या कारमधून खाली उतरते आणि रस्त्याच्या कडेला असलेल्या फुल विक्रेत्याकडून तिने काही फुलं विकत घेतली. छायाचित्रकारांना पाहून हात जोडून ती म्हणते की, 'मी फुलं विकत घ्यायला आले आहे. तुम्ही इथून जा.' तसंच तिचा पाठलाग न करण्याबद्दलही ती छायाचित्रकारांना सांगताना दिसत आहे. रियाच्या या व्हिडिओवर यूझर्सने वेगवेगळ्या प्रकारच्या प्रतिक्रिया दिल्या आहेत. एका चाहत्याने लिहिले की, 'तिला उगाच प्रसिद्धी देऊ नका.' तर दुसऱ्या एका यूझरने लिहिले की, 'ती नक्की कोणासाठी फुलं विकत घेत आहे. आता नवीन कोण?' तर काही यूझर्सने तिच्या परिस्थितीवर दया दाखवत म्हटलं की, 'आता बस करा, तिला तिच्या परिस्थितीवर राहू द्या.' एकाने लिहिले की, 'सुशांतसिंह राजपूत याच्या वाढदिवसापूर्वीचं हे नाटक आहे. दरम्यान, उद्या २१ जानेवारी रोजी दिवंगत अभिनेता सुशांतसिंह राजपूत याचा वाढदिवस आहे. आजपासूनच ट्विटरवर 'One day for SSR birthday' ट्रेंड करत आहे.
from Marathi Bollywood News, Marathi Cinema News https://ift.tt/36f2ovZ
