मुंबई- गेल्या काही दिवसांपासून , दीपिका पादुकोण आणि जॉन अब्राहम स्टारर ‘’ सिनेमाची जोरदार चर्चा सुरू आहे. जवळपास दोन वर्षांच्या ब्रेकनंतर शाहरुखने या सिनेमाचं चित्रीकरण सुरू केलं आहे. मात्र, आता हा सिनेमा आणखी एका कारणामुळे चर्चेत आला आहे. या सिनेमाच्या सेटवर चित्रीकरणादरम्यान मोठं भांडण झाल्याचं बोललं जात आहे. हे भांडण एवढं वाढलं की एका सहाय्यक दिग्दर्शकाने दिग्दर्शक सिद्धार्थ आनंदच्या कानशिलात लगावली. त्यानंतर संपूर्ण दिवसाचं चित्रीकरण रद्द करावं लागलं. एका इंग्रजी वेबसाइटने प्रसिद्ध केलेल्या वृत्तानुसार सिद्धार्थ सेटवर खूप रागावलेला असतो. तो सहाय्यकाच्या कामावर अजिबातच समाधानी नव्हता. चित्रीकरणावेळी कोणीही फोनचा वापर करू नये अशी त्याची सक्त ताकीद होती. पण सहाय्यकाने त्याच्या बोलण्याकडे दुर्लक्ष केलं. यानंतर सिद्धार्थ आणि सहाय्यकामध्ये जोरदार वाद झाला. सेटवर उपस्थित असलेल्यांना हा वाद लवकर मिटून चित्रीकरण सुरू होईल असं वाटलं होतं, पण तसं काही झालं नाही. पुन्हा एकदा सिद्धार्थ आणि त्याच्या सहाय्यकामध्ये कडाक्याचं भांडण सुरू झालं. सूत्रांनी दिलेल्या माहितीनुसार सहाय्यक सिद्धार्थला बरं- वाईट बोलू लागला. ही गोष्ट सिद्धार्थला कळताच तो सहाय्यकाकडे गेला आणि त्याच्या कानशिलात लगावली. यानंतर सहाय्यकानेही सिद्धार्थला प्रत्युत्तर देत कानाखाली मारली. यानंतर सेटवर बराच गोंधळ उडाला आणि दिवसाचं शूटिंग रद्द करण्यात आलं. दुसर्‍या दिवशी सिनेमाचं चित्रीकरण पुन्हा सुरू झाले पण सहाय्यकाला त्वरित कामावरून काढून टाकण्यात आलं. (महाराष्ट्र टाइम्स या बातमीच्या सत्यतेची ग्वाही घेत नाही.)
from Marathi Bollywood News, Marathi Cinema News https://ift.tt/3iuw7Ws
