मुंबई- 'भाभीजी घर पर है !' मालिकेचे निर्माते अनेक महिन्यांपासून 'गोरी मॅम' च्या भूमिकेसाठी अभिनेत्रीच्या शोधात होते. आता अनेक महिन्यांचा त्यांचा शोध पूर्ण झाला. आता या मालिकेमध्ये अभिनेत्री गोरी मॅमची भूमिका साकारताना दिसणार आहे. या मालिकेत याआधी अभिनेत्री अनिता भाभीची भूमिका साकारत होती. पण काही महिन्यांपूर्वी तिने ही मालिका सोडली. ती गेल्या पाच वर्षांपासून 'भाबीजी घर पर है!' मालिकेचा भाग होती. आता 'मॅडम जी' फेम नेहा पेंडसे 'गोरी मॅम'ची भूमिका साकारताना दिसणार आहे. 'मे आय कम इन मॅडम' मालिकेत नेहाने मुख्य भूमिका साकारली होती. या मालिकेची निर्मिती बिनायफर आणि संजय कोहली यांनी केली होती. या दोघांनीच 'भाबीजी घर पर है !' मालिकेची निर्मिती केली आहे. बॉम्बे टाइम्सशी बोलताना सौम्या टंडनने 'भाबीजी घर पर है!' मालिका सोडण्या मागचं कारण सांगितलं होतं. ती म्हणाली होती की, 'हो मी माझा करार पुढे चालू न ठेवण्याचा निर्णय घेतला आहे. सर्वकाही सुरळीत सुरू असताना अचानक मालिका सोडण्याचा हा अव्यवहारिक निर्णय आहे. कारण मी एक प्रसिद्ध मालिका सोडत आहे. पण मला हे जाणवलं की एक ठरलेली रक्कम मिळवणं आणि ठरलेलं काम करणं याहून फारसं नवीन काही यात घडत नव्हतं. एक कलाकार म्हणून मला पुढे जायचं आहे. मला असे प्रोजेक्ट करायचे आहेत ज्यात कलाकार म्हणून माझी प्रगती होईल.'
from Marathi Bollywood News, Marathi Cinema News https://ift.tt/3baNp9l