मुंबई: ‘आदिपुरूष’ या ओम राऊत दिग्दर्शित चित्रपटाची बरीच चर्चा आहे. या चित्रपटाच्या चित्रीकरणाला सुरूवात होणार होती. पण या चित्रपटात मध्यवर्ती भूमिकेत असलेला अभिनेता मार्च महिन्यानंतर चित्रीकरणाला सुरूवात करणार आहे झालं असं की, सैफची पत्नी अभिनेत्री कपूर पुन्हा एकदा आई होणार असून तिच्या प्रसूतीनंतर बाळासोबत वेळ घालवता यावा यासाठी सैफनं शूटिंग लांबणीवर टाकल्याचं कळतंय. त्यामुळे सैफ 'आदिपुरूष'च्या चित्रीकरणाला मार्चनंतर सुरूवात करणार असल्याचं समजतंय. पण चित्रपटाचे चित्रीकरण करिनामुळे पुढं ढकलल्याची चर्चा आता सुरू झाली आहे. 'आदिपुरुष' हा चित्रपट २०२२ मध्ये प्रेक्षकांच्या भेटीला येणार आहे. सैफसोबतच बाहुबली फेम अभिनेता प्रभास देखील या चित्रपटात मुख्य भूमिकेत आहे. ओम राऊत या चित्रपटाचं दिग्दर्शन करत असल्यानं चित्रपटाविषयी प्रत्येक गोष्ट जाणून घेण्यासाठी चाहते उत्सुक असतात. विशेष म्हणजे हा चित्रपट नेमका कधी प्रदर्शित होणार हा एकच प्रश्न चाहत्यांना पडला होता. मात्र, आता या प्रश्नाचं उत्तर मिळालं आहे. आदिपुरुष या चित्रपटाच्या प्रदर्शनाची तारीख जाहीर करण्यात आली आहे. स्वत: ओमनं ट्विट करत ही माहिती दिली आहे. त्यानुसार, ११ ऑगस्ट २०२२ मध्ये हा चित्रपट प्रेक्षकांच्या भेटीला येणार आहे. त्यामुळे प्रेक्षकांना अजून बराच वेळ या चित्रपटाची वाट पाहावी लागणार आहे. दरम्यान, हा चित्रपट श्रीरामचंद्रांवर आधारित असल्याचे सांगण्यात येत आहे. चित्रपटात प्रभास प्रभू श्रीरामाच्या भूमिकेत दिसणार आहे. तर, सैफ रावणाची भूमिका साकारणार असल्याचं म्हटलं जात आहे. हा चित्रपट थ्रीडी अॅक्शन ड्रामा प्रकारात मोडणारा असून, भूषण कुमार याची निर्मिती करत आहेत. २०२२ मध्ये प्रदर्शित होणारा हा चित्रपट हिंदी, तेलुगू, तामिळ, मल्याळम आणि कन्नड या भाषांमध्ये प्रदर्शित होणार आहे.
from Marathi Bollywood News, Marathi Cinema News https://ift.tt/2K888zJ
