मुंबई: समाजवादी पक्षाच्या राज्यसभा खासदार यांनी बॉलिवूडची प्रतिमा खराब करण्याचा आरोप केलाय. बॉलिवूडवर केल्या जाणाऱ्या आरोपांदरम्यान मंगळवारी शून्यकाळात जया बच्चन यांनी सरकारकडं हिंदी सिनेसृष्टीच्या मागं उभं राहण्याची विनंती केली. 'जिस थाली में खाते हैं, उसी में छेद करते हैं' असं म्हणत भाजप खासदार रवि किशन यांचं नाव न घेता बच्चन यांनी त्यांच्यावर निशाणा साधला होता. यानंतर आरोप प्रत्यारोप सुरू झाले आहेत. या वादात आता हिनं देखील उडी घेतली असून तिनं जया बच्चन यांच्यावर निशाणा साधात आणखी एक ट्विट केलं आहे. बॉलिवूड इंडस्ट्रीनं कोणती 'थाळी' दिलीए, असं म्हणत कंगनानं जया बच्चन यांना प्रत्युत्तर दिलं आहे. जयाजी आणि त्यांच्या इंडस्ट्रीनं कुठली थाळी दिलीए,(जयाजी आणि त्यांच्या इंडस्ट्रीनं काय काम दिलंय.) एक थाळी मिळत होती.(एक काम मिळत होतं). ज्यामध्ये दोन मिनिटांचं आयटम नंबर आणि एक रोमॅंन्टीक सीन मिळत होता. तो देखील हिरोसोबत झोपल्यानंतर...मी इंडस्ट्रीला स्त्रीवाद शिकवलाय. माझी थाली स्वत: देशभक्ती आणइ महिलाप्रधान चित्रपटांनी सजवलीए. त्यामुळं ही माझी थाळी आहे, जयाजी तुमची नाही', असं आणखी एक वादग्रस्त ट्विट कंगनानं केलं आहे. अभिषेकने आत्महत्या केली असती कंगनानं काल एक ट्वीट करत जया बच्चन यांच्यावर टीका केली होती. 'जयाजी, माझ्या जागी तुमच्या किशोरवयीन मुलीला मारहाण केली जात असती, नशा करायला भाग पाडलं असतं आणि लैंगिक अत्याचार केले असते तर तेव्हाही तुम्ही हेच बोलला असता का? जर अभिषेकचा सतत छळ केला गेला असता आणि त्याला त्रास दिला गेला असता.. या सगळ्यानंतर एक दिवस जर त्यानं आत्महत्या केली असती तर तेव्हाही तुम्ही हेच बोलला असता का? आमच्यावरही काही दया दाखवा.'असं ट्विट कंगनानं केलं होतं. लोकसभेत सोमवारी 'बॉलिवूडमध्ये ड्रग्जचा वापर' या मुद्यावरही चर्चा झाली. भाजप खासदार रवी किशन यांनी हा मुद्दा उचलून धरला आणि या प्रकरणाच्या चौकशीची मागणी केली होती. यावरून जया बच्चन यांनी त्यांचं नाव न घेता 'लोग जिस थाली में खाते हैं उसमें ही छेद कर रहे' असं म्हणतानाच 'काही लोकांमुळं संपूर्ण सिनेसृष्टीला दोष देता येणार नाही' असंही जया बच्चन यांनी म्हटलं होतं. जया बच्चन यांचा सिनेमासृष्टीला पाठिंबा 'फिल्मसृष्टी अमली पदार्थांचा अड्डा बनली आहे,' या भाजप खासदार रविकिशन यांच्या वक्तव्याचा विरोध करीत समाजवादी पक्षाच्या खासदार जया बच्चन यांनी मंगळवारी राज्यसभेत चित्रपटसृष्टीचं जोरदार समर्थन केलं. 'या उद्योगातून नाव कमावणारेच आता याला गटार म्हणताहेत,' अशी टीका त्यांनी केली होती.
from Marathi Bollywood News, Marathi Cinema News https://ift.tt/2FrDqPP
