मुंबई- बॉलिवूडचा प्रसिद्ध डिझायनर स्वप्निल शिंदेने लिंग बदल करून घेतला आहे. यापुढे स्त्री म्हणून त्याला ओळखावं अशी त्याची इच्छा आहे. यासोबतच त्याने स्वतःला म्हणूनही घोषित केलं आहे. एवढंच नाही तर स्वप्निलने आपलं नाव बदलून केलं आहे. स्वप्निलने बॉलिवूडमध्ये करिना कपूर, कतरिना कैफ, कियारा आडवाणी, दीपिका पादुकोण, अनुष्का शर्मा, हिना खान, सनी लिओनी यांसारख्या सेलिब्रिटींसाठी फॅशन डिझायनर म्हणून काम केलं आहे. इन्स्टाग्रामवर नवीन फोटो शेअर करत सांगितलं नाव- सायशा शिंदे झाल्यानंतर तिने इन्स्टाग्रामवरही आपलं नाव बदललं आहे. असं असलं तरी इन्स्टाग्रामवर त्याच्या प्रोफाइल हँडलचं नाव अजूनही स्वप्निल शिंदे असंच आहे. सोशल मीडियावर स्वतःला ट्रान्सवुमन म्हणून घोषित करताना साएशाने एक भावनिक कथाही चाहत्यांसोबत शेअर केली. यासोबतच साएशा या नावाचा अर्थही सांगितला. 'सायशा' या नावाचा अर्थ म्हणजे 'अर्थपूर्ण जीवन'. स्वप्निलने इन्स्टाग्रामवर त्याचा लेटेस्ट फोटो शेअर करत साएशा नावाने एक संदेशही लिहिला आहे. तिने लिहिले की, 'शाळा आणि कॉलेजच्या दिवसांमध्ये अनेक मुलं माझ्यापासून लांबच राहायची. ते माझ्यापासून दूर रहायचे कारण मी त्यांच्याहून वेगळी होते. पण यापेक्षाही माझी अंतर्गत वेदना खूप जास्त होती. मी असं एक सत्य जगत होते जे माझं कधीच नव्हतं. मला गुदमरल्यासारखं वाटायचं. मी दररोज असं जीवन जगले ज्यात सामाजिक अपेक्षा आणि निकष पूर्ण केले पाहिजेत. NIFT मध्ये माझे सुरुवातीचे दिवस गेले. जेव्हा मी विशीत होते तेव्हा मला माझं सत्य स्वीकारण्याची हिम्मत मिळाली. मी खऱ्या अर्थाने खुलले.' 'सहा वर्षांपूर्वी कळलं गे नाही तर मी ट्रान्सवूमन आहे' सायशा शिंदेने पुढे लिहिले की, 'मी पुरुषांकडे आकर्षित व्हायचे त्यामुळे मी स्वतःला अनेक वर्ष समलिंगी समजत होतो. पण सहा वर्षांपूर्वी मला स्वतःबद्दल समजलं की मी एक ट्रान्सवूमन आहे, समलिंगी नाही. मग मी हे सत्य स्वीकारलं. आता मी सांगू इच्छिते की मी समलिंगी नाही, तर एक स्त्री आहे.' सायशाने तिच्या इन्स्टाग्राम स्टोरीवर एक पोस्टही शेअर केली आहे. यात तिने सांगितलं की तिची टीमने जवळपास एका महिन्यापासून तिला सन्मानाने 'मॅम' म्हणायला सुरुवात केली आहे. स्वप्निलने साएशा झाल्याचं सांगितल्यानंतर बॉलिवूडमधील अनेक सेलिब्रिटींनी त्याला शुभेच्छा दिल्या. तसंच त्याच्या या साहसाचं कौतुकही केलं. साएशाच्या पोस्टवर भाष्य करताना सनी लिओनीने लिहिले की, 'मी तुझ्यावर प्रेम करते आणि मला तुझा अभिमान आहे. तू तेच झालीस जे तुला नेहमी व्हायचं होतं. नवीन जन्माच्या शुभेच्छा.' परिणीती आणि आदिती यांचेही प्रेम कमी झाले परिणीती चोप्रा आणि आदिती राव हैदरी यांनीही सायशा शिंदेच्या पोस्टवर कमेन्ट करत अभिनंदन केलं. परिणीतीने लिहिले की, 'हे वाचून खूप आनंद झाला. येथून पुढे फक्त सायशा.' अदिती राव हैदरीने लिहिले की, 'तुला एक घट्ट मोठी मिठी.'
from Marathi Bollywood News, Marathi Cinema News https://ift.tt/2MxKqNY