मुंबई- अक्षय कुमारने त्याचा एक मजेशीर फोटो सोशल मीडियावर शेअर केला आहे. सध्या '' सिनेमाच्या शूटिंगमध्ये व्यग्र आहे. त्याने नुकताच एक सेटवरचा फोटो इन्स्टाग्रामवर शेअर केला. हा फोटो आणि त्याचं कॅप्शन वाचून तुम्हाला 'हेरा फेरी' सिनेमा नक्कीच आठवले. 'हेरा फेरी' सिनेमाशी निगडीत अनेक मिम्स आणि जोक्स अजूनही प्रसिद्ध आहेत. अभिनेते परेश रावल त्यांच्या जाड चष्मामधून डोकावत बोलतानाचा एखादा सीन असो किंवा अक्षयची विनोदी स्टाइल.. या सिनेमाने प्रत्येकालाच पोट धरून हसवलं आहे. आता अक्षयने जो फोटो शेअर केला आहे तो पाहून तुम्हाला या सिनेमाची आठवण नक्कीच येईल यात काही शंका नाही. अक्षय कुमारने त्याचा एक फोटो इन्स्टाग्रामवर शेअर केला आहे. यात तो काळ्या रंगाच्या वेशात दिसत आहे. पण त्याच्या हातात असलेली पिवळ्या रंगाची बॅग आणि पिवळ्या रंगाचे हेडफोन्स सर्वांचं लक्ष वेधून घेतात. यानंतर, चाहत्यांची नजर त्याच्या लाल शूजवर जाते. एवढंच नाही तर त्याने या फोटोला दिलेलं कॅप्शनही फार मजेशीर आहे. कॅप्शनमध्ये अक्षयने लिहिले की, 'जेव्हा तुम्हाला २५ दिवसांत पैसे दुप्पट करण्याची योजना माहीत असते.' धरम्यान, सध्या अक्षय कुमार जैसलमेरमध्ये आपल्या आगामी ‘बच्चन पांडे’ सिनेमाच्या चित्रीकरणात व्यग्र आहे. या सिनेमात त्याच्यासोबत जॅकलिन फर्नांडिस, क्रिती सेनॉन आणि अर्शद वारसी यांच्याही मुख्य भूमिका आहेत.
from Marathi Bollywood News, Marathi Cinema News https://ift.tt/39jsFd7
