मुंबई- अभिनेत्री आणि क्रिकेटपटू यांचं घर आनंदाने न्हाऊन निघालं. ११ जानेवारीला अनुष्काने मुलीला जन्म दिला. स्वतः विराटने सोशल मीडियावर यासंबधीची माहिती दिली. आता मीडिया रिपोर्टनुसार, हे जोडपं आपल्या मुलीचं नाव एका महाराज्यांच्या आशिर्वादाने ठेवणार आहेत. एका हिंदी वृत्तवाहिनीने प्रसिद्ध केलेल्या वृत्तानुसार, अनुष्का शर्मा विराट आणि कोहलीच्या मुलीला नाव देणार आहेत. असं म्हटलं जातं की अनुष्का आणि विराट दोघंही महाराज अनंत बाबा यांना खूप मानतात. लग्नापासून ते घर घेण्यापर्यंतच्या प्रत्येक महत्त्वपूर्ण निर्णय त्यांनी अनंत बाबा यांना विचारूनच घेतले. दरम्यान, काल ११ जानेवारी रोजी विराटने त्याच्या सोशल मीडियावर ही आनंदवार्ता देताना म्हटलं की, ' हे सांगून आम्हाला आनंद होत आहे की आज दुपारी आम्हाला मुलगी झाली. आम्ही तुमच्या प्रेमाबद्दल आणि शुभेच्छाबद्दल मनःपूर्वक आभारी आहोत.अनुष्का आणि आमची मुलगी दोघीही ठीक आहेत.' विराटने पुढे लिहिले की, 'अनुष्का आणि आमची मुलगी दोघींची तब्येत ठीक आहे. आमच्या आयुष्याचा हा नवा अध्याय आहे. आता आम्हाला एकमेकांसोबत वेळ घालवण्याची किती गरज आहे याची तुम्हाला चांगली कल्पना असेल. त्यामुळे आता थोडी प्रायव्हसी द्या अशी विनंती आम्ही करतो.' अनुष्का शर्मा आणि विराट कोहलीने कधी दिली गोड बातमी ऑगस्ट २०२० मध्ये अनुष्का आणि विराट यांनी सोशल मीडियावर एकमेकांसोबतचा फोटो शेअर करून संपूर्ण जगाला ही गोड बातमी दिली. तसंच जानेवारी २०२१ मध्ये बाळ जन्माला येईल असंही त्यांनी सांगितलं. दोघांनी एकच फोटो शेअर केला ज्यात अनुष्काने काळ्या रंगाचा पोल्का डॉट ड्रेस घातला होता. तिच्या मागे विराट उभा होता. या फोटोत अनुष्का बेबी बम्प फ्लॉन्ट करताना दिसते. 'आणि आम्ही दोनाचे तीन झाले.. जानेवारी २०२१ मध्ये येणार तिसरा पाहूणा..'
from Marathi Bollywood News, Marathi Cinema News https://ift.tt/3qclj1T
