मुंबई- बॉलिवूड सुपरस्टार हे सिनेसृष्टीतलं एक मोठं नाव आहे. अभिनयाशिवाय अमिताभ सोशल मीडियावरही खूप सक्रिय असतात. फक्त बिग बीच नाही, तर त्यांचं संपूर्ण कुटुंब नेहमी लाइम लाइटमध्ये असतं. अमिताभ यांची मुलगी नंदाबद्दल बोलायचं झालं तर तीही सोशल प्लॅटफॉर्मवर सक्रिय असते. श्वेता बॉलिवूडमधल्या दोन सुपरस्टार्सची फार मोठी चाहती आहे. हे दोघं म्हणजे सलमान खान आणि आहेत. श्वेताने प्रसिद्ध टॉक शो 'कॉफी विथ करण' मध्ये या दोन खान स्टार्सशी संबंधित अनेक रंजक गोष्टींचा उल्लेख केला होता. श्वेता बच्चनने अभिनयात कधीही करिअर केलं नाही. पण तिला सिनेमांची फार आवड आहे. 'मैंने प्यार किया' पाहिल्यानंतर ती सलमान खानची फॅन झाली होती. एवढंच नाही तर आमिर खानला जेव्हा श्वेता त्याची सर्वात मोठी चाहती आहे समजलं तेव्हा त्याने खास श्वेतासाठी नियमितपणे पत्रं लिहायला सुरुवात केली होती. ऑडिओ कॅसेटमध्ये रेकॉर्ड करायची सिनेमा श्वेताने कॉफी विथ करण दरम्यान अनेक मजेशीर किस्से सांगितले होते. तिने सांगितलं की 'मैंने प्यार किया' सिनेमा जेव्हा प्रदर्शित झाला होता तेव्हा ती बोर्डिंग स्कूलमध्ये होती आणि दहावीत शिकत होती. त्यावेळी व्हीसीआरवर तिने हा सिनेमा पाहिला होता. तिला शाळेत सिनेमा पाहण्याची परवानगी नसल्याने संपूर्ण सिनेमा तिने ऑडिओ कॅसेटमध्ये रेकॉर्ड करून ऐकला होता. एवढंच नाही तर श्वेताने भाऊ याला सिनेमातली खास 'फ्रेण्डस'ची टोपी आणायला सांगितली होती. ती टोपी श्वेता दररोज उशाशी घेऊन झोपायची. आमिर खानने श्वेताला पत्र लिहायला केली होती सुरुवात शो दरम्यान अभिषेकने श्वेता आमिरची खूप मोठी फॅन असल्याचं सांगितलं. यासोबत आमिरला जेव्हा श्वेताच्या या क्रेझबद्दल विचारलं तेव्हा त्याने श्वेताच्या वाढदिवसाला तिला पत्र लिहायला सुरुवात केली. श्वेताने सांगितलं होतं की तिचा आणि आमिर खानचा वाढदिवस जवळपासच असतो. आमिरचा वाढदिवस १४ मार्चला असतो तर श्वेताचा वाढदिवस १७ मार्चला असतो.
from Marathi Bollywood News, Marathi Cinema News https://ift.tt/3ia3rBQ
