आजवर अनेक रिअॅलिटी शोमध्ये स्वत:चा ठसा उमटवणाऱ्या अभिनेत्री हिला '' सीरिजमध्ये वेगळ्या भूमिकेत पाहायला मिळणार आहे. 'मी स्वत:ला काही मर्यादा घातल्या आहेत. माझ्या चौकटीत बसणाऱ्या गोष्टींना माझा होकार असेल', असं तिचं म्हणणं आहे. ० 'तांडव'सारख्या राजकीय नाट्यात पहिल्यांदाच काम करत आहेस, त्यासाठी तयारी कशी केलीस?- सीरिजची संहिता इतक्या सफाईदारपणे लिहिण्यात आली होती की, आम्हा कलाकारांना आपापल्या भूमिकांचा वेगळा असा अभ्यास करावा लागला नाही. मी साकारत असलेलं मैथिलीचं पात्र महत्त्वपूर्ण आहे. ते पात्र सगळ्यांमध्ये उठून दिसतं. तेवढं उठावदार बनवण्यासाठी मेहनत घ्यावी लागली. इतर बाबतीत मार्गदर्शन करण्यासाठी सीरिजमध्ये ज्येष्ठ कलाकार होते. त्यांचा आधार होता. ० 'तांडव'मधल्या तुझ्या पात्रानं तुला काय शिकवलं?- मनात येणारा प्रत्येक विचार आणि भावना व्यक्त केलीच पाहिजे असं नाही. ती हृदयाच्या कप्प्यात साठवून योग्य वेळ येईल तेव्हा मांडू शकता. स्वत:च्या विचारांवर आणि भावनांवर नियंत्रण मिळवता यायला हवं; हे मैथिली या पात्रानं शिकवलं. ० मल्टीस्टारर सीरिजमध्ये प्रत्येक पात्र उठून दिसतं का?- अनेक सीरिजमध्ये प्रत्येक पात्र प्रकाशझोतात येत नाही. पण यावर 'तांडव'मध्ये विशेष मेहनत घेण्यात आली आहे. कोणतंही एक पात्र गैरहजर असलं तर कथानक प्रभावीपणे प्रेक्षकांपर्यंत पोहोचणार नाही. प्रत्येक पात्राला न्याय द्यायचा प्रयत्न करण्यात आला आहे. ० तुला बोल्ड दृश्य करण्यासाठी विचारण्यात आलं तर तुझा निर्णय काय असेल?- माझ्या पात्राला न्याय देणारी दृश्य असतील तर मी नक्की करेन. पण, रणनितीसाठी करण्यात येत असेल तर मी करणार नाही. मी स्वत:ला काही मर्यादा घातल्या आहेत. त्या चौकटीत बसणाऱ्या गोष्टींना माझा होकार असेल. तसंच बोल्ड दृश्य चित्रित करण्याची सुद्धा एक कला असते. तेवढ्या स्मार्ट पद्धतीनं चित्रित होणार असेल तर काहीच हरकत नाही. ० रिअॅलिटी शोजची रंजकता कमी झालीय का? नवीन संकल्पनांवर काम करायला हवं असं वाटतं का?- कंटाळा आला असता तर ते रिअॅलिटी शो कोणीच बघितले नसते. ज्या अर्थी त्या शोजना प्रेक्षकवर्ग आहे त्या अर्थी रंजकता टिकून आहे. पण नवनवीन संकल्पनांवर काम केलं पाहिजे असं वाटतं. ० चित्रपटात फारशी दिसत नाहीस, यामागे कारणं काय?- '' या चित्रपटातील माझ्या व्यक्तिरेखेच्या जवळ जाणारी आणि तेवढ्या ताकदीच्या पात्राबद्दल विचारणा झाली नाही. त्यामुळे चित्रपट केले नाहीत. काही दिवसांपूर्वी एका चित्रपटाचं चित्रीकरण पूर्ण केलं. त्यातील मी साकारत असलेलं पात्र कमाल आहे. ती व्यक्तिरेखा माझ्या करिअरला कलाटणी देणारी असेल हे नक्की!
from Marathi Bollywood News, Marathi Cinema News https://ift.tt/3qbS0wf
