मुंबई- अनुष्का शर्माने काल ११ जानेवारी रोजी मुलीला जन्म दिला. या गोड बातमीनंतर शर्मा आणि कोहली या दोन्ही घरात जणू दिवाळी- दसरा साजरा झाला. आता विराटचा भाऊ याने आपल्या भाचीचं स्वागत करणारी एक पोस्ट शेअर केली आहे. यात अनुष्का- विराटच्या मुलीचे पाय दिसत आहेत. विराट- अनुष्काच्या मुलीची ही पहिली झलक पाहून त्यांचे चाहतेही खूश झाले आहेत. विकासने भाचीचं स्वागत करत म्हटलं की, आमच्या घरी एन्जल आली आहे. छोट्या परीचं घरी कोहली कुटुंबात स्वागत सोमवारी दुपारी अनुष्काने मुलीला जन्म दिला. विराटने स्वतः सोशल मीडियावर पोस्ट करून ही आनंदाची बातमी आपल्या मित्र- परिवाराला आणि चाहत्यांना दिली. यासोबतच त्याने सर्वांना त्यांना योग्य ती प्रायव्हसी देण्याचीही विनंती केली. या दरम्यान, आता विराटच्या भावानेच विकासने भाचीच्या पायांचा फोटो इन्स्टाग्रामवर शेअर करून तिचं स्वागत केलं आहे. गरोदरपणात अनुष्का सोशल मीडियावर होती बरीच सक्रिय अनुष्का आणि विराट कोहलीने गेल्यावर्षी ऑगस्टमध्ये ते लवकरच आई- बाबा होणार असल्याची बातमी शेअर केली होती. जानेवारीत अनुष्का आपल्या पहिल्या बाळाला जन्म देणार असल्याचंही त्यांनी यावेळी स्पष्ट केलं होतं. दरम्यान, गरोदरपणातल्या या दिवसांमध्ये अनुष्का तिच्या कामामध्ये आणि सोशल मीडियावर बरीच सक्रिय होती. यावेळी तिने अ‍ॅड शूट आणि मॅगझिन शूटही केलं. त्याचबरोबर ती बेबी बंपसोबतचे अनेक फोटो सोशल मीडियावर सातत्याने शेअर करायची. मुलीला सोशल मीडियापासून ठेवणार दूर अनुष्काने एका मुलाखती दरम्यान सांगितलं होतं की ती आणि विराटने आपल्या बाळाला सोशल मीडियापासून दूर ठेवायचा निर्णय घेतला आहे. आपलं बाळ इतरांपेक्षा वेगळं असावं अशी अनुष्काची मुळीच इच्छा नाही. यासोबतच मुलगी झाली तर गुलाबी रंगाची सजावट आणि मुलगा झाला तर निळ्या रंगाची सजावट अशा गोष्टी ती संगापनात करणार नसल्याचंही अनुष्काने स्पष्ट केलं. सर्व रंगांचा समावेश बाळाच्या संगोपनात असेल असंही ती यावेळी म्हणाली.
from Marathi Bollywood News, Marathi Cinema News https://ift.tt/3oCGvOd
