मुंबई: अभिनेत्री कंगना रणौत पाठोपाठ अवैध बांधकामप्रकरणी अभिनेता सोनू सूदविरोधात मुंबई महापालिकेने पोलिसांत तक्रार दाखल केली होती. जुहू येथील निवासी इमारतीत विनापरवाना हॉटेल सुरू केल्याची तक्रार मुंबई महापालिकेने जुहू पोलिसांकडे केली केल्यानंतर सोनू सूद यानं आता मुंबई उच्च न्यायालयात धाव घेतली आहे. पालिकेने दाखल केलेल्या तक्रारीविरोधात त्यानं मुंबई हायकोर्टात याचिका दाखल केली आहे. काय आहे प्रकरण?जुहू येथील ए. बी. नायर मार्गावर शक्तीसागर ही सोनू सूदच्या मालकीची सहा मजली इमारत आहे. या इमारतीचे हॉटेलमध्ये रूपांतर केल्याची पालिकेची तक्रार आहे. महाराष्ट्र प्रदेश आणि नगररचना (एमआरटीपी) कायद्यांतर्गत इमारतीत अनियमित बदल आणि जागेचा वापर बदलल्याप्रकरणी सोनू सूद विरोधात जुहू पोलिसात ४ जानेवारीला पालिकेने ही तक्रार दाखल केली होती. पालिकेने नोटीस बजावल्यानंतरही सोनूनं अवैध बांधकाम सुरूच ठेवलं होतं, अशी माहिती पालिकेच्या वतीनं देण्यात आली आहे. पालिकेच्या नोटीसविरोधात सोनू सूदनं मुंबईच्या सत्र न्यायालयात याचिका दाखल केली होती. मात्र न्यायालयानं त्याला उच्च न्यायालयात याचिका करण्यासाठी तीन आठवड्यांचा कालावधी दिला होता. याप्रकरणी सोनू सूदनं पालिकेकडून जागा वापर बदलासाठी परवानगी घेतलेली आहे. आता फक्त सीआरझेडची परवानगी मिळणे बाकी आहे, असे म्हटलं आहे. दरम्यान, दोन दिवसांपूर्वी सोनू सूद शुक्रवारी शिर्डीला गेला होता. त्यानं साईबाबांच्या समाधीचे दर्शन घेतलं. त्यानंतर पत्रकारांनी त्याला या विषयावर बोलतं केलं असात त्यानेंयावर अधिक भाष्य करणं टाळलं होतं. यापूर्वीही सूद यानं आपल्यावर लावलेले आरोप फेटाळले होते. त्याच्याविरूद्ध ही कारवाई अकासानं केली जात असल्याची चर्चा सुरू आहे. या पार्श्वभूमिवर सूद मात्र याकडं फारसे गांभीर्यानं पहात नसून त्यानं आज हा मुद्दा क्षुल्लक असून त्यावर अधिक बोलणंही टाळलं होतं. दरम्यान, शिर्डीत दर्शन घेतल्यानंतर सूद यानं कोपरगावला भेट दिली होती. कोपरगाव नगरपालिकेच्या शाळेतील विद्यार्थ्यांना सूदतर्फे शंभर स्मार्ट फोन भेट देण्यात आले . करोना काळात गरीब विद्यार्थ्यांचे ऑनलाइन शिक्षण बंद पडू नये, यासाठी त्यानं हे स्मार्ट फोन दिले आहेत. गरज पडली तर आणखी फोन देण्याची तयारीही त्याने दर्शविली
from Marathi Bollywood News, Marathi Cinema News https://ift.tt/3s8V7XH
