मुंबई: बॉलिवूड अभिनेत्री यांच्या निधनाला आज ३ वर्ष झाली मात्र अद्याप त्यांचे चाहते त्यांना विसरू शकलेले नाही. आज त्यांच्या तिसऱ्या पुण्यतिथीच्या निमित्तानं त्यांच्या आठवणींना उजाळा देत अनेक चाहत्यांनी सोशल मीडियावर भावुक पोस्ट केल्या आहेत. पण या सर्वात श्रीदेवी यांच्या मुलीची म्हणजेच पोस्ट सोशल मीडियावर सर्वाधिक चर्चेत आहे. जान्हवीनं श्रीदेवी यांच्या हस्ताक्षरातील एक मेसेज नोट इन्स्टाग्राम शेअर केली आहे. २४ फेब्रुवारी २०१८ मध्ये श्रीदेवी यांचा बाथटबमध्ये बुडून मृत्यू झाला. त्यांची निधन वार्ता ऐकल्यानंतर सर्वांनाच धक्का बसला होता. श्रीदेवी दुबई येथे त्यांच्या नातेवाईकांच्या लग्नासाठी गेल्या होत्या. ज्याचे फोटो त्यांनी त्याच्या सोशल मीडियावर शेअर केले होते. त्याच त्यांच्या अखेरच्या पोस्ट ठरल्या. श्रीदेवी यांच्या आठवणीत त्यांची मुलगी जान्हवी कपूरनं तिच्या इन्स्टाग्रामवर एक पोस्ट शेअर केली आहे जी खूप व्हायरल होत आहे. जान्हवीनं तिच्या इन्स्टाग्राम श्रीदेवी यांच्या हस्ताक्षरातली एक नोट शेअर केली आहे. जी श्रीदेवी यांनी जान्हवीसाठी लिहिली होती. यात त्यांनी लिहिलं होतं, 'आय लव्ह यू... तू जगातली सर्वात बेस्ट मुलगी आहेस.' श्रीदेवींच्या आठवणींना उजाळा देत जान्हवी आज ही नोट तिच्या इन्स्टाग्रामवर शेअर केली आहे. या फोटोच्या कॅप्शनमध्ये जान्हवीनं 'तुझी खूप येते.' असं लिहिलं आहे. जान्हवीनं शेअर केलेला हा फोटो सध्या सोशल मीडियावर खूप व्हायरल होताना दिसत आहे. श्रीदेवी आणि जान्हवी यांच्यात खूप चांगलं बॉन्डिंग होतं.त्यांच्या सोशल मीडियावर मुली जान्हवी आणि खुशीसोबतचे अनेक फोटो त्यांनी शेअर केले होते. त्या जान्हवीच्या पहिल्या चित्रपटाच्या वेळी शूटिंगसाठी सेवरही उपस्थित असायच्या. आपल्या मुलीच्या चित्रपटात कशाचीही उणीव राहू नये असं त्यांना वाटयचं. पण दुर्दैव म्हणजे जान्हवीचा पहिला चित्रपट 'धडक' रिलीज होण्याआधीच त्यांनी जगाचा निरोप घेतला होता.
from Marathi Bollywood News, Marathi Cinema News https://ift.tt/2ZKf6yX