मुंबई- हिंदी चित्रपटसृष्टीतील अनेक दिग्गज कलाकारांमधील एक असलेला नेहमीच त्याच्या उत्कृष्ट अभिनयासाठी चाहत्यांमध्ये चर्चेत असतो. अनेक सुपरहिट चित्रपट व वेबसीरिजमध्ये दर्जेदार अभिनय करून त्याने प्रेक्षकांना त्याच्या अभिनयाची भुरळ पाडली आहे. बॉलिवूडमध्ये नवाजुद्दीन ज्या चित्रपटाचा भाग असेल, तो चित्रपट बॉक्स ऑफिसवर कमाल करणार, हे समीकरण जणू ठरलेलं असतं. त्यामुळे अनेक निर्माते त्याला आपल्या चित्रपटात घेण्यासाठी धडपड करताना दिसतात. परंतु, आता जी माहिती समोर येत आहे, त्यामुळे प्रेक्षकांना मोठं कोडं पडलं आहे. सूत्रांच्या माहितीनुसार, एका तामिळ चित्रपटात भूमिका करण्यास नवाजुद्दीनने नकार दिला आहे. या चित्रपटाचं दिग्दर्शन नेल्सन संदीप कुमार करत असून दाक्षिणात्य या चित्रपटात मुख्य भूमिकेत दिसणार आहे. या चित्रपटात भूमिका करण्यासाठी नवाजुद्दीनला निर्मात्यांकडून ऑफर देण्यात आली होती परंतु, त्याने ती नाकारली आहे. नवाजुद्दीनला या चित्रपटातील नकारात्मक भूमिकेसाठी विचारणा करण्यात आली होती. नवाजुद्दीनला आता नकारात्मक भूमिका साकारायची नसल्याने त्याने या चित्रपटासाठी नकार दिल्याचं कळतंय. याबाबतीत कोणतीही अधिकृत घोषणा करण्यात आली नसली, तरी इतर प्रकारच्या भूमिका साकारण्यासाठी या चित्रपटाला त्याने नकार दिला आहे. नवाजुद्दीनला यापूर्वीही अनेकदा नकारात्मक भूमिकांसाठी विचारणा करण्यात आली होती. त्याचं कारण म्हणजे त्याने जिवंत केलेल्या नकारात्मक भूमिका आहेत. 'सेक्रेड गेम्स' या वेबसीरिजमध्ये नवाजुद्दीनने गणेश गायतोंडे नावाचं पात्र साकारलं होतं. त्या भूमिकेचं प्रेक्षकांकडून प्रचंड कौतुक करण्यात आलं. सध्या नवाजुद्दीन त्याचा आगामी चित्रपट 'जोगीरा सा रा रा' साठी चाहत्यांमध्ये चर्चेत आहे.
from Marathi Bollywood News, Marathi Cinema News https://ift.tt/3pNm8h7