मुंबई- आपल्या वाढदिवशी सोशल मीडियावर निर्वस्त्र फोटो शेअर करून अनेकांच्या टीकेचा धनी होणारा मिलिंद सोमण पुन्हा एकदा चर्चेत आला आहे. त्याने त्याच्या फोटोवर आता स्पष्टीकरण दिलं. त्याने या फोटोंना चुकीचं म्हणणाऱ्यांच्या बघण्याच्या दृष्टिकोनावर प्रश्न उपस्थित केलाय. मिलिंदने म्हटलं की, हा फोटो त्याची पत्नी अंकिताने काढला होता आणि त्यात काही चूक नाहीये. भारतीय परंपरेच्या अनुसार या फोटोमध्ये काहीचं आक्षेपार्ह नाही. तो म्हणतो, 'भारतीय परंपरा आणि संस्कृती खूप मोठी आणि सर्वांना सामावून घेणारी आहे. मी खूप ठिकाणी फिरलोय. प्रचंड प्रवास केलाय, लोकांशी गप्पा मारल्यात, वेगवेगळ्या राज्यातल्या विविध भागातल्या लोकांशी बोललोय आणि त्या सर्वांच्या संस्कृतीमध्ये विविधता आहे.' तो पुढे म्हणतो, 'मुळात काही लोकांना असं वाटतं की, ते आणि त्यांचं कुटुंब जे करतात, तिचं भारतीय संस्कृती आहे आणि दुसरे जे करतात, ती पाश्चिमात्य संस्कृती आहे. त्या लोकांना मला सांगायचंय की, अमेरिकेमध्ये निर्वस्त्र फिरणं हा गुन्हा मानला जातो पण आपल्या देशातील अनेक भागात हा गुन्हा नाहीये.' त्याच्या फोटोवर स्पष्टीकरण देत तो म्हणाला, 'मला वाटतं हिचं भारतीय संस्कृती आहे.' त्याने म्हटलं की, 'जर इन्स्टाग्रामला माझ्या फोटोवर काही आक्षेप असता तर त्यांनी माझ्यावर कारवाई केली असती. इन्स्टाग्रामचेही स्वतःचे नियम असतात. मी हेचं मानतो की समाजातील प्रत्येक व्यक्तीचा एक वेगळा दृष्टिकोन असतो आणि त्याचा स्वतःच्या मतांवर फरक पडू द्यायचा नसतो.'
from Marathi Bollywood News, Marathi Cinema News https://ift.tt/2MOLiP0
